1 Etimoti 1:10 - Ohwihwim Olehe

¹⁰ pa la moa la a kpo ayakplo ba eshre, pa la moa la a ri eshra, pa la moa la a kpo ogʼga, pa la moa la a sheŋ akpro nga a zgi egŋe ba akpro, pa la moa la a kpo ayakplo la a bmi ba onyenye ba adlidzi mbo.

1 Etimoti 1:10 Referans Kwoze

2 Etimoti 4:3

O ka, omba o yi ó ba, ba moare ba á bmi ta la onyenye ba adlidzi mbo, nga moa á kpo ayakplo ba esõ mo e klo sha, nga moa á pla moa la a nye moare á shki emo ombamba pyeŋ. Moare he lo a la á nye mo ayakplo moa a klo, la a raŋ mo esõ.

MoaOroma 1:26

Okyku ba edgu ayakplo moarehwi a la a kpo, Ahogbrẽ a dzu moa a zga a da mo a gbu anzi. Moashe nga moa a tla moarealom nga moa a la a kpo ayakplo ba eshre ta la egʼba mo.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.

1 Etimoti 6:3

Areyaŋ a mbo la a la a nye ekplokyeŋ ondundum nga a bmi ta la odlo ba adlidzi ba Adigi-odne Eyesu Ekristi mbo, ta la onyenye ba ozhẽ bi mbo le,

Eyahuda 1:7

Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

Etitu 1:9

O raŋ o gre baŋ a kom oshpa lo abgo osheshye, oshpa la o dzu edgu oshpa ba moare a bmi ta la alo, nga ba alo o wo ozhẽ okyekyeŋ ta la onyenye he lo. Ozhẽ he lo angyiŋ, á ba a kpo á gbu baŋ á shĩ moahwõ ta la onyenye ba adlidzi, nga á kpo á gbu baŋ á tsa akpu ba moare la a tla onyenye ba adlidzi lo.

Otsotsa 21:8

Ambo moa la a kpo eyli pa la moa la a so moare ayi, pa la moa la a tpi moare ayi, pa la moa la a bga ebga, pa la moa la a kpo ayakplo ba eshre, pa la moa la a kpo ololo pa la moa la a hlu okpko eshko, pa la moa la a sheŋ akpro, enzheovo la e shum ovo nzenze angyiŋ e wo ma okyku mo. Eku he lo angyiŋ e wo eku ba oha.

MoaIbrani 13:4

Areyaŋ a mbo a ka eble la ololbi. O dzu omgbybi ba moarealom pa la moashe, moa a kpo adlidzi ta la emo, okyku eshi Ahogbrẽ á sõ moa la a wo eshre pa la moa la a ta ekpa ombgu.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.

2 Etimoti 1:13

Aŋo o kpaŋ adlidzi ba ame e nye ŋo. O da lo a dzu ŋo ozhẽ ba ososõ, nga o tspi ozhẽ ba obmi ba adlidzi ta la oklo. Moahi lo a wo a bi, okyku okŋeobga bi e wo la alo ma ta la Ekristi Eyesu.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Etitu 1:13

Ekplo ba alom he lo a lu e wo adlidzi angyiŋ. Okyku eka he, o shrom moare he lo o wlu ayi, okyku o da mo a tspi osheshye ibu ba obmi ba adlidzi mo.

Otsotsa 18:13

Nga arekyeŋ á gbmo ama la a shka efpi ba moa a bzi lo ma esinamo, ta la emgbabi, ta la ama la a shka efpi, ta la emri, ta la efaraki nga mbo. Nga moa á gbmo ajige, ta la awargi, ta la eko, ta la esekʼpa, ta la andu, ta la ékylu, ta la ényma, ta la amatu ba ényma, pa la moawaghrẽ, ta la ámu moarehwĩ nga mbo.

1 Etimoti 4:6

O wo boŋ o la o nye moanáŋ eka he angyiŋ le, aŋo ó dzu anwyeotum ba adlidzi ba Ekristi Eyesu, omba boŋ o la o vgi esõ boŋ la edlo ba obmi ba adlidzi ta la onyenye ba adlidzi boŋ o lu lo ma.