1 Etimoti 1:1 - Ohwihwim Olehe

¹ Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

1 Etimoti 1:1 Referans Kwoze

Etitu 1:3

Nga, omba la o wo shasha lo angyiŋ a tsa areyaŋ a mbo alo ibu oshpa baŋ lo. Moa a shri oshpa he lo a da me, nga odaŋ ba Ahogbrẽ Areoshla bi angyiŋ o la o da me e su lo.

MoaOkolosi 1:27

Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

Eyahuda 1:25

okyku baŋ sha a wo Ahogbrẽ nga a wo Areoshla bi ibu ba Eyesu Ekristi la a wo Adigi-odne. Esesla, ta la oreŋ, ta la oshye, ta la ekʼpo, moa a dzu a baŋ a zga omba la o sheŋ o bre o gre pyeŋ, ta la ohuhuhi, ka la gbagbu-amo! Amin.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.

1 Etimoti 1:12

Ame e vye Ekristi Eyesu Adigi-odne la a shri oshye a da me okyku o kpo otum he lo. Ame e vye la ŋa e gre eshri okyku baŋ a sko me a zga eka ba ame e tse ma, nga a sla me okyku o da me e kpo otum baŋ.

MoaEgalasiya 1:1

Akpa he lo a zgi abgo ba Oblus. Obzi baŋ okyku o daŋ a nyum oshpa o zgi aga arehwi o mbo le okro arehwi angyiŋ mbo. Ambo Eyesu Ekristi ta la Ahogbrẽ Adigi la a kso ŋa eku angyiŋ, a wo okũ lo.

2 MoaOkorinti 1:1

Akpa he lo a zgi abgo ba Oblus are la a nyum oshpa ba Ekristi Eyesu, eka ba Ahogbrẽ a sheŋ a sla. Akpa he lo a zgi abgo ba Etimoti anigi bubgu. Alo a wo okyku Eklisiya ba Ahogbrẽ osku ba Okorinti, pa la moarehwi ba Ahogbrẽ la a wo obiŋ ba Egrise.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

1 Etimoti 2:7

Okyku eka he angyiŋ moa a da me e ba okyku o da me e nyum oshpa e ygi moa la a wo moaEyahuda mbo. Oshpa he lo o wo oshpa ba obmi ba adlidzi, ta la adlidzi angyiŋ. Ame e sheŋ akpro angyiŋ mbo, ame e lu adlidzi angyiŋ!

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

1 MoaOkorinti 1:1

Akpa he lo a zgi abgo me Oblus. Ahogbrẽ angyiŋ a bzi me okyku o da me e dzu are la a nyum oshpa ba Ekristi Eyesu. Akpa lo a zgi okro ba anigi Osostani bubgu.

1 Eyohana 4:14

Agi e sheŋ e ka, nga e lu e da moahwõ eka ba Ada a da Anwye baŋ a ba okyku o daŋ a dzu Areoshla ba obiŋ hi.

1 Ebitru 1:21

Okyku ŋa angyiŋ agimi e bmi ba adlidzi ta la Ahogbrẽ la a kso ŋa okro eku nga a shri ekekʼpo a shri a daŋ. Okyku eka he, obmi ba adlidzi bimi ta la okayiozhẽ bimi, e da mo a dzu gaŋ ibu ba Ahogbrẽ.

Etitu 3:6

Okyku eshi Ahogbrẽ a shri Ogbgaodzi nzenze a shri a da gi okro Eyesu Ekristi Areoshla bi,

Etitu 3:4

Ambo omba ba agi e ka okpoghwo ta la oklo ba Ahogbrẽ Areoshla bi angyiŋ,

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

Etitu 2:10

Nga moa a wla abgo mbo. Ambo o raŋ o gre ba moa a tsa moadimo-odne ba moa a wo la eda edzi nga a wo la adlidzi, okyku o da moare a ka odlodzi ibu onyenye ba Ahogbrẽ Areoshla bi okro otumyaŋ a mbo ba moa a la a kpo.

1 Etimoti 4:10

Okyku eka he lo agi e kpo nga e kpo otum la osheshye, okyku eshi agi e sko Ahogbrẽ la a wo la esõ ma angyiŋ e zga okayiozhẽ bi. Aŋa angyiŋ a wo Areoshla moarehwĩ pyeŋ, ambo esĩ ba oshla he lo e wo okyku moa la a bmi ba adlidzi ka la ŋa.

1 Etimoti 2:3

Eka he lo e wo edzi nga o raŋ Ahogbrẽ Areoshla bi esõ.

MoaEgalasiya 1:11

Agimi anáŋ, e ngli e gno. Oshpa ba ame e la e nyum he, o wo oshpa ba arehwi angyiŋ mbo.

1 MoaOkorinti 9:17

O wo ba ame e kpo otum me la okoklo me angyiŋ le, alo o dzu omgbybi ba moa a hre me. Ambo o wo ba alo o dzu otum ba moa a shri a da me okyku o kpo-kpo angyiŋ le, o dzu omgbybi ba ame e kpo lo.

MoaOroma 1:1

Akpa he lo, a zgi abgo Oblus awaghrẽ ba Ekristi Eyesu. Ame, are la e nyum oshpa, nga Ahogbrẽ angyiŋ a sla me nga a bzi me okyku o da me e nyum Oshpaodzadzi baŋ.

Oluka 1:47

Ame e wo la ovye eso ma okyku Ahogbrẽ, Areoshla me.

Oluka 2:11

Okyukyku hi, osku ba Adawuda, moa a mbre gimi Areoshla, Ekristi, Adigi-odne.