1 Ebitru 4:14 - Ohwihwim Olehe

¹⁴ O wo ba moa a dzĩ gimi okyku bimi e lu Ekristi ma le, agimi e kpo ovye. O dzu eka ba Ogbagaodzi ba esesla la o wo Ogbgaodzi ba Ahogbrẽ, o ba o gile okro bimi angyiŋ.

1 Ebitru 4:14 Referans Kwoze

1 Ebitru 3:14

Ambo o wo ba agimi e la e kpo ewu okyku o kpo ayakplo la a wo shasha, agimi e dzu la oraŋ nzenze! E kpo eyli ba moarehwĩ mbo. Nga agimi e da esõ e ngʼba gimi mbo.

Oluka 6:22

Oraŋ o wo ma okyku gimi ba moare a tla gimi, nga a la a tsa gimi atsa, nga a sko gimi a zga abi okyku eshko Anwye Arehwĩ!

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

Amatiyu 5:11

Agimi e gno oraŋ angyiŋ omba ba moare a la a dzĩ gimi, nga a la a kpo gimi efye, nga a la a sheŋ akpro a ghwo gimi okyku bimi e lu me ma.

1 Ebitru 3:16

Ambo e kpo lo la esõ ble-ble, nga e fa olbi e shri e di. Agimi e da esõ bimi e dzu kye, okyku o da moa la a dzĩ gimi nga a lu odlo ba ototno eshri ba odzudzu ba odlodzi bimi arehwĩ la e wo moarehwĩ ba Ekristi, okyku o da mo a gbu anzi pa la ayakplo moa a la a lu.

2 MoaOkorinti 12:10

Ame e bmi ta la oshye-osheŋonye nzenze ta la odzi, ta la ewu, ta la okpoewu, ta la okpgo okyku Ekristi. Okyku eshi omba ba ame e sheŋ e nye angyiŋ, ame e wo oshye.

Eyohana 15:21

Moa á kpo edgu he lo ka la gimi, okyku ba agimi e wo moarehwi me angyiŋ, okyku eshi moa a yi are la a hom me otum mbo.

Eyakubu 5:11

Moa a dzu gble, okyku eka he agi e la e bzi mo ma moarehwĩ la a gno oraŋ. Agimi e sheŋ e gno eka ba Ayuba a ta esõ akpyli, nga agimi e yi eka ba amom-abgo a hwiŋ owlama okro ba Adigi-odne. E ka, Adigi-odne a wo are la a wo la okayiekŋe ta la oklo ma.

Otum 13:45

Omba ba moaEyahuda a ka eshki nzenze eka he nga, moa a kpo efpu nga moa a lu odlo ototno ta la Oblus, nga moa a klo odlo ka la ŋa.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

MoaIbrani 11:26

A ka tki, alo o wo owlama o gre nzenze baŋ a kpo ewu okyku Emisiya o sku baŋ a dzu a gno edgu oraŋyaŋ a mbo la o wo obiŋ ba Amasla, okyku eshi a sko aga baŋ a zga egbre la e wo egi ayi angyiŋ.

MoaEgalasiya 1:24

Okyku me nga moa a hlu Ahogbrẽ eshko.

Eyohana 9:34

Moa a tno ŋa ma a lu mi le, Moa a mbre ŋo la odlobi, nga moa a vgi ŋo la odlobi. Aŋo o klo o nye gi? Nga moa a kyku ŋa a sku anwyeakulu lo.

Eyohana 9:28

Moa a ta ogbukyu a daŋ nga moa a lu mi le, Aŋo o wo anwyeotum baŋ, ambo agi e wo moanwyeotum ba Omusa angyiŋ.

Eyohana 8:48

MoaEyahuda a tno Eyesu ma, nga a nyuŋ ŋa a lu mi le, Agi e ta akpu angyiŋ bi e lu mi ma aŋo o wo arehwĩ ba Asamariya, nga ma ogbgabi o kpo otum ka la ŋo?

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

2 Ebitru 2:2

Ambo ekakahelo a mbo, moare nzenze á dzu mo ezhẽ ba eshre nga okyku edgu ayakplo ba moa a la a kpo, moare á tsa Ozhẽ ba adlidzi atsa.

Otum 18:6

Omba moare a tsi odlo baŋ a lu a ghwo ayi mbo, aŋa a ndza abgo baŋ a sku mo nga a nyuŋ mo a lu mi le, O wo bimi e hwiŋ oshla mbo le, agimi e hẽ arekyeŋ mbo, a mbo e hẽ eshri bimi angyiŋ! O me o wo akplokyeŋ mbo. O zga ohuhuhi, ame e yi okro moa la a wo moaEyahuda mbo.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

Otum 28:22

Agi e klo e gno ekplo boŋ o ka, okyku eshi agi e yi zhezheŋ okroyaŋ a mbo moare a la a lu odlo ototno eshri ozhẽ he lo.

2 MoaOkorinti 4:10

Ombayaŋ a mbo eku ba Eyesu e wo egʼba bi, okyku o da mo a ka eso baŋ ka la gi.

2 MoaOkorinti 4:16

Okyku okũ odlo he lo, agi e da egʼba e shki gi ami ondakyeŋ mbo ku-ku. Odzudzu bi ba egʼba o la o vrẽ, ambo ekakahelo, odzudzu bi ba eso o la o zhiŋ o dzu ohe elulum.

1 Ebitru 4:16

Ambo agimi e da anzi a kpo gimi omba bimi e la e kpo ewu okyku bimi e lu Ekristi ma mbo. Ambo agimi e vye la Ahogbrẽ okyku ba agimi e wo la eshko ba Ekristi ma.