1 Ebitru 2:24 - Ohwihwim Olehe

²⁴ Ekristi ababgo baŋ a sko odlobi bi egʼba baŋ a shri a gre egŋe aki, okyku o da gi e dzu eka ba moare la a kpu angyiŋ ta la odlobi. Are la a kpu moa á tka ŋa aŋa a kpo a gbu baŋ a yi mbo. Okyku eka he, are la a kpu okro odlobi, a kpo a gbu baŋ a yi odlobi mbo, nga a dzu okyku o kpo odlodzi. Nga okyku ero ba moa a fa Ekristi egʼba angyiŋ, agimi e hwiŋ oshye.

1 Ebitru 2:24 Referans Kwoze

Amatiyu 8:17

Aŋa a kpo eka he okyku o bli ekplo ba Eshaya arehwĩ ba Ahogbrẽ a hom otum a lu. A lu mi le, Aŋa eshrishri eŋa, a sko elolo, ta la ewu bi.

MoaOroma 6:11

O raŋ o gre bimi e tne aga eka bimi e kpu okyku odlobi, ambo e sa e dzu ma okyku Ahogbrẽ okŋeobga ta la Ekristi Eyesu.

Otsotsa 22:2

Alo o dzẽ o sõ agʼbaha ba anyuŋ-ozhẽ ba osku lo. Esĩ aki ba esõ e wo agba egiyaŋ a mbo ba ondzu lo. E la e fu agbro engyi otsko angyiŋ eyi. Ohwayaŋ a mbo alo e la e fu agbro odgo okyeŋ. Ayeya ba esĩ aki ba esõ he lo a wo okyku o shaŋ moarehwĩ ba obiŋ hi pyeŋ ibu ba elolo ba moa a la a no.

1 Eyohana 2:29

Agimi e yi ba Ekristi a wo a ba odlodzi angyiŋ. Okyku eka he o raŋ o gre ba agimi e yi ba areyaŋ a mbo la a kpo ayakplo la a wo kye aŋa a wo anwye ba Ahogbrẽ angyiŋ.

Eyakubu 5:16

Okyku okũ he lo, agimi e lu odlobi bimi e ygi egimi, nga e fa olu okyku egimi, okyku o da gimi e shaŋ. Olu ba are odlodzi o wo la ekʼpo ma nzenze!

MoaIbrani 9:28

Ozhẽ he lo angyiŋ moa a shri Ekristi a shri a ndba odgo okyeŋ okyku o daŋ a sko odlobi moarehwĩ nzenze. Aŋa á bla á ba odgo oha okyku o sko odlobi angyiŋ nga mbo, ambo okyku o shla moa la a la a dzu a bli ŋa angyiŋ a mo.

MoaEgalasiya 3:13

Ambo Ekristi a sko ogbukyu bi, nga ozhẽ he lo angyiŋ a shla gi abgo ba ogbukyu ba odaŋ o shri o ba. Odlo ba Ahogbrẽ o sa o lu mi le, Areyaŋ a mbo moa a gŋe ŋa egŋe ki, a wo are ba moa a ta ogbukyu a daŋ angyiŋ.

MoaOroma 6:2

O wo eka he angyiŋ mbo! Agi e sheŋ e kpu ta la odlobi bgu. O wo odzi bi e sa e dzu ta la alo nga nga?

MoaOkolosi 3:3

Okyku eshi agimi e sheŋ e kpu, nga esõ bimi e yi e ghre ta la Ekristi okro ba Ahogbrẽ.

MoaOroma 6:13

Nga agimi e bmi e shri okrokyeŋ egʼba bimi e da odlobi mbo, nga e shri lo e kpo ekplokyeŋ ba eshre ta la lo mbo. Ambo agimi e shri eshri bimi e da Ahogbrẽ, eka moarehwi la a zgi eku a hwiŋ eso, nga agimi e shri eshri bimi e da Ahogbrẽ la eso ekyekyeŋ, okyku o daŋ a kpo otum odlodzi ta la lo.

Eyohana 1:29

Onda ba oha nga Eyohana a ka Eyesu a ba okro baŋ, nga a lu mi le, E ka Anwye Ekylu ba Ahogbrẽ la a la a sko odlobi ba obiŋ hi mvye!

MoaOroma 7:6

Ambo ohuhuhi, odaŋ o wo ekʼpo eshri bi nga mbo, okyku eshi agi e sheŋ e kpu ibu ekplo la e da gi e dzu moaprusuna ayga. Agi e la e da odaŋ angyiŋ o dzu ozhẽ ba o lu Ahogbrẽ ma eka ba moa a ta ayga nga mbo. Ambo agi e lu Ahogbrẽ ma ozhẽ ohe ba Ogbgaodzi angyiŋ.

1 Eyohana 3:7

Agimi anwye, agimi e da arekyeŋ a bile gimi mbo! Areyaŋ a mbo la a kpo ayakplo la a wo shasha, a wo arehwĩ ba odlodzi angyiŋ, eka ba Ekristi a mbo a wo arehwĩ ba odlodzi.

MoaOroma 6:7

O wo ba are a kpu le, odlobi o wo ekʼpo eshri baŋ nga mbo.

MoaOroma 6:16

Agimi e yi mbo? O wo bimi e shri eso la eso ekyekyeŋ e shri e di okyku o da gimi e kpo arekyeŋ otum eka moawaghrẽ le, adlidzi angyiŋ agimi e wo moawaghrẽ are he lo. O wo ba gimi e dzu moawaghrẽ ba odlobi le, ohi lo o shri eku angyiŋ o shri o ba. O wo bimi e wo moawaghrẽ la a tsi odlo, ohi lo o shri onyuŋokpo o zga agʼbaha bimi ta la Ahogbrẽ.

2 MoaOkorinti 6:17

Nga Adigi-odne a lu mi le, O dzu omgbybi ba agimi e dzu mo e zga, nga e ngʼba eshri bimi e sku mo. Agimi e tka ekplokyeŋ ba eshre mbo, Nga ame é yga gimi.

Otum 5:30

Ahogbrẽ moadigi a kso Eyesu ongybi ambla bimi e gŋe ŋa egŋe aki nga e bga ŋa.

Oluka 4:18

Ogbgaodzi ba Adigi-odne o wo pa la me. Aŋa angyiŋ a sla me okyku o da me e nyum Oshpaodzadzi e ygi moaekŋe. A hom me otum okyku o da me e su odzudum e ygi moare la moa a klu mo aku. Nga e shaŋ moavgayi, Nga okyku o ngla moa la a kpo ewu.

Amatiyu 5:20

Ame e lu e da gimi, agimi é kpo é gbu bimi e yi Oreŋ Ongyeŋ, o wo ba odzudzu bimi o wo odzadzi o gre moa la a nye odaŋ, ta la odzudzu moaEfarisi.

MoaIbrani 12:13

E zga gble e la e dzi ezhẽ la e wo tsoŋ, okyku o tpi odga la o wo oshye mbo ayi mbo, ambo okyku o shri oshye angyiŋ o shri o da lo.

Otum 13:29

Ambla moa a kpo ŋa ekployaŋ a mbo eka ba Akpa ba Ahogbrẽ a lu, moa a gile ŋa egŋe aki nga moa a ngybi ŋa.

Otum 10:35

Areyaŋ a mbo la a kpo eyli baŋ, nga la a kpo ayakplo la a wo shasha egi ayi baŋ bgu le, a wo a ba oguyaŋ a mbo, Ahogbrẽ á yga ŋa.

MoaIbrani 7:26

Okyku eshi, Eyesu angyiŋ a wo andakʼpo olu ba Ahogbrẽ la a la a shri ayakplo bi e wo la alo ma mbo a la a shri a da gi! A wo la esesla nga a wo la akpu ta la odlobi ma mbo ku-ku. Moa a shri ŋa a zga ondundum shrle pa la moarehwĩ la a la a kpo odlobi. Nga moa si ŋa a gre ongyeŋ ekpyembyeŋ.

MoaOkolosi 2:20

Agimi e sheŋ e kpu ta la Ekristi, nga moa a sheŋ a shla gimi abgo ba egbga la e la e ri ekʼpo obiŋ hi pyeŋ. Okyku eshi agimi e dzu eka bimi e yi e wo moarehwĩ ba obiŋ hi? Okyku eshi agimi e kpaŋ edgu odaŋ la o lu mi le,

MoaOroma 6:22

Ambo ohuhuhi moa a kyu gimi abgo ibu ba odlobi, nga agimi e zhiŋ e dzu moawaghrẽ ba Ahogbrẽ a mo. Okyku eka he, moa a nyuŋ eso bimi a kpo okyku ŋa sha. Nga agimi é kpo nga é hwiŋ eso ba gbagbu-amo.

Otum 10:39

Agi e wo egŋe ba akplo pyeŋ baŋ a kpo obiŋ moaEyahuda ta la Orushalima. Moa a gŋe ŋa egŋe aki nga a bga ŋa.

Amatiyu 27:26

Ambla he nga, Ebilatu a kyu Abaraba abgo okyku mo. A da mo a taŋ Eyesu andzu a khwo nga, a da mo a gŋe ŋa egŋe aki.

MoAfisu 5:9

Okyku eshi ayimom lo angyiŋ a wo la a shri oyayla nzenze la o wo odzi ta la odlodzi, ta la adlidzi a shri a ba.

Eyohana 19:1

Ambla he nga Ebilatu a da mo a bga Eyesu andzu.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

Amarku 15:15

Ebilatu a klo o raŋ eshki esõ, okyku eka he a kyu Abaraba abgo eka moa a klo nga a da mo a yla Eyesu andzu, nga a shri ŋa a di okyku o da mo a gŋe ŋa egŋe aki.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.

MoaOkolosi 2:14

A hre akŋe nzenze la a shki gi eshri ta la odaŋ la o wo ma. Ahogbrẽ angyiŋ a khwa lo pyeŋ omba baŋ a kũ lo oskusa egŋe aki.

MoaIbrani 10:5

Okyku okũ he lo, omba ba Ekristi a wo osusku ba o ba obiŋ hi le, a nyuŋ Ahogbrẽ a lu mi le, Aŋo o klo oshriondba ta la ofaodi ba ébyi mbo, Ambo aŋo o nyuŋ egʼba o kpo okyku me.

MoaIbrani 10:10

Okyku ba Eyesu Ekristi a kpo ekplo ba Ahogbrẽ a klo baŋ a kpo lo angyiŋ moa a ndza odlobi bi pyeŋ ibu ba egʼba baŋ baŋ a shri a ndba odgo okyekyeŋ nga o khwo.