1 Ebitru 2:23 - Ohwihwim Olehe

²³ Omba ba moa a hre ŋa anyu, aŋa a bla a hre mo anyu mbo. Nga omba baŋ a kpo ewu, aŋa a suŋ mo egʼba mbo ku-ku. Ambo a shri okayiozhẽ baŋ a zga okro ba Ahogbrẽ la a wo are la a sõ ombgu la odlodzi sha.

1 Ebitru 2:23 Referans Kwoze

1 Ebitru 4:19

Okyku eka he nga, moare la a la a kpo ewu okyku ba alo o dzu ekplo ba Ahogbrẽ a shri a zga okyku mo, o raŋ o gre ba moa a kpo ayakplo la a wo adzi ombamba pyeŋ, nga moa a shri eshri mo a da Are la a kpo mo, la esõ ekyekyeŋ. Aŋa a la a kpaŋ ohwihwim baŋ ombamba pyeŋ.

MoaIbrani 12:3

Agimi e tne aga ewu baŋ a kpo, eka baŋ a ta esõ akpyli omba ba moarehwĩ ba odlobi moa a tla ŋa la ofpu nzenze! Okyku eka he nga, agimi e da egʼba e shki gimi ami nga e ndba ozhẽ he lo e ta mbo.

Otum 4:29

Adigi-odne o wo boŋ o bmi le, o gno eka ba moa a klo o ta gi eyli, nga o da gi moanwye boŋ e nyum oshpa boŋ la oshye eso.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

2 Etimoti 1:12

Okyku ekplo he lo angyiŋ ame e la e kpo edgu ewu he. Ambo ame e la e gbu anzi ta la otum lo mbo ku-ku. Okyku eshi ame e yi are ba ame e bmi ba adlidzi ka la ŋa. Nga ame e yi zhezheŋ baŋ a kpo a gbu baŋ á kpaŋ ekployaŋ a mbo baŋ a shri a da me ma-me o tsa Onda mi lo.

Oluka 23:46

Eyesu nga a ta enzi angyangyeŋ a lu mi le, Ada! Ame e kyu eso me abgo e ghwo abgo boŋ! Ambla baŋ a lu eka he nga, a kpu.

Otsotsa 19:11

Ambla he nga ame e ka Ongyeŋ o hwile nga enyma ekyle e wo ma. Are la a vre lo moa a la a bzi ŋa Oshasha ta la Adlidzi. Aŋa a la a sõ ombgu nga a la a ta eko la adlidzi.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

2 MoaEtasolonika 1:5

Ohe lo angyiŋ o wo otsotsa ba ombgu ba odlodzi ba Ahogbrẽ. Nga eshri ohe lo, aŋa á da gimi é tse ma okyku o da gimi e hwiŋ Oreŋ baŋ ba agimi e kpo ewu okyku lo.

MoAfisu 6:9

Agimi adimo-odne, agimi a mbo e kpo ekakahelo angyiŋ pa la moawaghrẽ bimi nga e suŋ mo egʼba mbo. Agimi nga e ka e bmye ba agimi ta la moawaghrẽ he lo, ba Adigimi a wo akyakyeŋ angyiŋ Ongyeŋ. Aŋa a la a sko moare a zga okyekyeŋ angyiŋ.

MoaOroma 2:5

Ambo aŋo o wo la eso la e shye nga o shye eshri boŋ. Okyku eka he aŋo o da ombgu boŋ o la o ta ma o ta-ta. Nga alo ó wo nzenze onda ba Ahogbrẽ á ba a hwile esõ-etpiayi baŋ nga á sõ areyaŋ a mbo ombgu ba adlidzi.

Otum 17:31

Ahogbrẽ a sheŋ a sla onda baŋ á ba a sõ moarehwi obiŋ hi mvye ombgu ba adlidzi. Are baŋ a sla angyiŋ á ba a sõ moare ombgu. A sheŋ a tsa areyaŋ a mbo ohe lo oksongybi baŋ a daŋ a kso!

Otum 9:1

Ma-me o gbu omba he lo, Eshawlu a la a kpo moanwyeotum ba Ahogbrẽ ewu nzenze. A gre okro anyuŋ-anda-kʼpo olu ba Ahogbrẽ

Oluka 23:9

Okyku eka he Ehirudu a zhĩ Eyesu odlo nzenze, ambo Eyesu a tno ŋa ma mbo.

Otum 7:59

Moa a la a tra Estifanu ézhim omba baŋ a fa olu nga a lu mi le, Adigi Eyesu, o yga eso me!

Oluka 23:41

Ombgu bi e mbi, o wo ozhẽ angyiŋ okyku eshi agi e wo ahe okyku ekplo bi e kpo. Ambo alom hi a kpo ekplokyeŋ la e wo akpu mbo ku-ku.