Ụhịrẹyị 9:8 - IWE ỌNỊNỊ

⁸ Asị ụ tụ́ ọza anaā sịị ẹngụ tụ ẹba ohuvọ agụvị asị ọ nyị ịhyẹrẹ awụ. Ama waa tụ́ ọnịrẹyọyẹ ohuvọ dị ọ sị ịrẹsụ nẹtẹ yị wụ.

Ụhịrẹyị 9:8 Referans Kwoze

Ahẹ Ụgama 141:5

Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Ụhịrẹyị 23:9

Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.

Ụhịrẹyị 15:12

Ọza anaā sịị eyi wụ̀ ọza ọ̀ mā dọ ka a tụ ọnị ohuvọ, ọ yị ma rẹ họ̀ use ajuwe hụụnị ụvọ ọza ana yẹ ịrẹyị.

Imatiwu 7:6

Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ụhịrẹyị 28:23

Ọza anaa tụ ọza ohuvọ aa zụ varẹma sì ịrẹyị anị huni ọza enee vene ọza nị.

Ireevi 19:17

Asị ẹ sị ịrẹyị ọhịmị ọza tụ ịnị ịnẹ, ama ọza ọnị ẹnịrị ọ̀ọ nyị ịrẹyị, ẹnịrị wa ẹ̀ kà a, agụvị à sị ẹ na hụvị ọza mẹ̀ ịvị.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

1 Ohinọyị 1:23

Dị avaba ẹnịnị va kà a yị ohinọyị dị a ka, “Inatanị ọnịsẹ yọ!” Di Inatanị ne tù ohinọyị dị ọ tana, tụra ẹtẹ dị ọ kụ́ ọ nị.

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

1 Ohinọyị 1:32

Di Idevidi ohinọyị va tụ́ ka à na hị́ Ịzadọkị ana vị ohirẹsụ irehi Ohomorihi ọnịrị Inatanị ọnịsẹ ne beri Ịbẹnaya ozi Ijehoyada va yị ọnị nị. Ịzẹyịza dị ẹnịnị ve si tù ohinọyị nị.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị

Ụhịrẹyị 13:1

Ozi ana yẹ ịrẹyị vị anaā wụ́ ịrẹyị ada anị, ama anaamọvị ọ mā dọ ka ọnị o nyeeyi.

Ụhịrẹyị 19:25

Sị ụya rị ọza ana sị ẹngụ tụ ẹba agụvị dị ọnụra ọ kọsẹ ịrẹyọyẹ, ọza ana yẹ ịrẹyị vana kọsẹ hụụnị ohuvọ ana a tụ́ ọ.

Ayịsaya 36:21

Ihezekaya ohinọyị Anijuda ộ vịdị sị ọ ka yị aza anị ka asị e tụ́ ohi ịrẹyị ọnyọọnyị, agụvị avọọ isoja Anasiriya mẹ̀ maanị kà pooro, ẹnịnị ẹ yị jị atẹ tịtẹ.

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

Ụhịrẹyị 23:23

Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.