Ụhịrẹyị 9:10 - IWE ỌNỊNỊ

¹⁰ Angwa Ẹnẹyịmavara ọyị nyị ọ vị ahụ ịrẹyọyẹ ịpaapa ọnị ọzaa hu nị. Ọza ọ̀ọ yẹ Ohomorihi ọnịnị eyi anị vị enee hweyi.

Ụhịrẹyị 9:10 Referans Kwoze

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ụhịrẹyị 2:5

Ịjọnọọ ụ́ vaa yẹ Ẹnẹyịmavara dị wee hí angwa anị nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ụhịrẹyị 30:3

Ọnị ọ yị kọsẹ ịrẹyọyẹ, dị ọnị ọ va yẹ ẹngụ ọza ọnị Ohomorihi vị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Ahẹ Ụgama 34:12

Àa nyị ọza awụ nịnị ene sì ka ẹhẹ anị ò zoza dị ọnị ò kú orubo.