Ụhịrẹyị 8:36 - IWE ỌNỊNỊ

³⁶ Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ụhịrẹyị 8:36 Referans Kwoze

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ụhịrẹyị 1:31

Ịsa ọnị ụ chire ụ vaa ha nị. Ịrẹyị ẹngụ awụ vee du wụ eyi.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Ụhịrẹyị 20:2

Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu.

Ụhịrẹyị 12:1

Ọza anaā dọ ohuvọ ọọ yẹ ịrẹyị nị ama ọnụra vị anaa nyị ịhyẹrẹ ohuvọ.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ụhịrẹyị 21:6

Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ.

Ijoovu 35:6

Wàa mẹ̀ ebira odivi, ọnọọ ẹ yị zama Ohomorihi. Wàa mẹ ịrẹyị ẹnẹ ẹ yị vọrọ, dị ọ rụrụ pooro nị, vị ọ́ọ́ zụ zama Ohomorihi nị?

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 27:13

Ọnị ka Ẹnẹyịmavara ọ́ sị ọ ka ka, anẹkụra anaa ka ẹnị ẹ yị dọ yị ohinọyị Anibabironi vị ana vaa kụ ịrẹkụụ tù dị e su va ha ẹ̀yị vị avọọ dị ụngwẹ ọnịrị ụkụ wụ̀ wa va ha. Sị ẹ vẹ dị Ịzẹdẹkaya ọnịrị aza aa vaa vavọọ sú vaaha kẹ?

Odeyi 16:28

Dị Ịpọọrụ nowu kà a yọ ka, “Asị ụ tụ̀ ẹngụ awụ ụnava, ka avaba ayị hi ịzẹnị!”