Ụhịrẹyị 8:14 - IWE ỌNỊNỊ

¹⁴ Ịrẹyọyẹ ka, ọnị ọ yara pe ọza juwe dị ọnị re pe wa mẹ̀ ụkọrọ ẹnịnị. Ọnị ọ yẹ iruvo ịrẹyị, dị ọnị rẹ nyị ụkata nị.

Ụhịrẹyị 8:14 Referans Kwoze

Ịrẹyị Ọzwọzịsa 7:19

Ịsị ọza ana yẹ ịrẹyị zụ mẹ, ọdọvịdị ẹẹ gụ ẹẹwụ tụ ịnị ẹkụra ẹ yị zụ mẹ̀ ẹ.

Ayịsaya 40:14

Ẹnẹ ọ họ̀ use ajiwe hụụnị ụvọ anị ka ọnị ọ̀ nyị ịrẹyọyẹ, dị ọnị ò yẹ a mẹ vọrọ ka a mẹmẹ mẹ̀ ịsa ọnyọọnyị nị?

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Anikorasi 2:3

Ijeesu Ikirisiti ịnya kẹnẹ ọ zụ mẹ ka ya nyị ịrẹyọyẹ dị ya zụ yẹ ịzẹyịza nị. Ịrẹyọyẹ ọnọọ ọ́ọ nyị ọgụ ẹtẹẹtẹrẹ.

Aniroomi 1:22

Ẹ ka ẹnị ệ yẹ ịrẹyị, ama ọnụra obooro ẹ vị nị.

Ụhịrẹyị 24:5

Ọyẹrẹyọyẹ ọ nyị ụkata huna ọnụkata nị. Ịrẹyọyẹ o huna ụkata ọchẹngụ nị.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

1 Anịkọrịntị 1:24

Ama aza oni Ohomorihi sị hị́ kẹnẹ, ẹ̀ẹ vị Aniju, ẹ̀ẹ vị Anigiriki, ẹ́ẹ yẹ ka Ikirisiti vị ụkata ọnịrị ịrẹyọyẹ Ohomorihi.

Ịjọọnụ 1:9

Etohweyi obooro ana aa sị ẹtohweyi zụ̀ aza, aa vẹ ịnị ẹhẹ,

Ụhịrẹyị 1:25

Ẹnịnị ẹ yị mā dọ ịrẹyị ọza tụ ịzọọ. Ẹ yị mā dọ ka aa tụ ẹnị ohuvọ.

Ụhịrẹyị 3:21

Ozi emi sị ụvọ za ịrẹyọyẹ awụ. Asị u ne e ta.

Ụhịrẹyị 18:1

Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ayịsaya 28:29

Ẹnẹyịmavara ana nyị ụkata ọ rẹ sị sị zụ̀ aza ka ẹ̀ vavọọ yara mẹ̀ ẹ nị. Á yị nyị ọza ana zụ yẹ ịsa ẹnị Ẹnẹyịmavara aa mẹ. Ịrẹyọyẹ anị ộ dẹngụ ẹnẹmẹhị.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Ijoovu 12:13

Ohomorihi ọ vị uruku ịrẹyọyẹ ọnịrị ụkata ana a sị mẹ̀ ẹ nị.