Ụhịrẹyị 7:1 - IWE ỌNỊNỊ

¹ Ozi emi, saasa ịrẹyị ọnị mị ka yị wụ. Asị ụ zẹẹ ka ayị o hi wụ.

Ụhịrẹyị 7:1 Referans Kwoze

Ụhịrẹyị 1:8

Ozi emi, wụ́ ịrẹyị ada awụ, dị asị ụ si eyi wụ́ ịrẹyị ọnyị awụ.

Ẹtore 1:3

Ọza ana àa kà iwe ọnọnị, vaa daa jẹ. Ọza ana àa rẹ wụ́ ịrẹyị ịsẹ ọnọnị, dị aa mẹ̀ ịsa ana a chẹrẹ tụ́ ini iwe ọnọnị nị, rẹ vaa daa jẹ. Ụmẹ ọnị ịsa ẹnẹnị vaa sị mẹ, ọ sị gụrị ẹtẹ.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ẹtore 22:9

Ama dị ọ kà a yị mị ka asị mị vavọọ mẹ nị. Ọ kà, “Ẹmị rẹ vị ozi ahụ anka ẹwụ, ne beri ọnịsẹ nịnị ọnịrị avaba aza anaa saasa ịsa ana a kà tụ́ ini iwe ọnọnị. Ohomorihi kẹnẹ a vọrọ ka ya hẹkẹ nị.”

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ụhịrẹyị 3:1

Ozi emi, asị u hi ayị ịrẹyị ọnị mị kà yị wụ. Waa sị̀ ịrẹyị ẹnẹẹ vị ebira mẹ ụmẹ tụra ụmẹ.

Ijoovu 22:22

Ijoovu ọ wụ́ ịrẹyị ọnị Ohomorihi, dị ọ sị ọ tụ ịnị ayị anị.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Iwe Ọhụhị Imosiisi ana aa hị́ Ọyịvatụrọda 11:28

Ama ẹnịnị ẹ̀ẹ mẹ akamawụ, dị ẹ na hẹkẹ ori nịnị ẹnẹ ẹ yị nyị ịsị ẹ mẹ̀ yị wa nị, Ẹnẹyịmavara vaa tụ ozirenu hi wa.

Ụhịrẹyị 10:14

Ọyẹrẹyị vị ana kọ ịrẹyọyẹ pooro ama ịrẹyị irenu ọnụra aa wụ̀ ọ nị.

Ụhịrẹyị 4:21

Asị ụ hi ayị ịrẹyị ẹnẹẹ, waa tama ayị anị.

Ụhịrẹyị 6:20

Ozi emi, wụ́ ịrẹyị ada awụ. Asị ụ hi ayị ịrẹyị ọnị ọnyị awụ kà yị wụ.

Ụhịrẹyị 6:35

Ọ yị vaa dọ ịsa ẹnyẹẹnyị sị ụta ịsị ana mẹ̀ ẹ. Ọ yị vaa dọ ochirerenu, ọ̀ọ daka banyị.

Ụhịrẹyị 5:5

Wàa saasa ọsẹrẹka, aa sị ụ na gẹrị ozu awụ nị. Ẹhẹ anị vị ana sị uswọọza gẹ ẹngụ aa zị.