Ụhịrẹyị 6:6 - IWE ỌNỊNỊ

⁶ Ẹwụ nịnị onuworo, ne re ihine dị wa kọsẹ ịrẹyọyẹ hụụnị ẹhẹ ẹnịnị.

Ụhịrẹyị 6:6 Referans Kwoze

Ụhịrẹyị 20:4

Onuworo ẹnẹ ẹ yị da aarẹ ịnị ụmẹ ụrụkụ ọ yị mā nyị ịsa ịnị aarẹ.

Ụhịrẹyị 18:9

Onuworo ọnịrị ọza enee du ịsa ha, ẹyị jị ẹngụ nyee.

Ụhịrẹyị 6:9

Onuworo, ụ́ụ́ sụ ara pooro kẹnẹ nị? Yere ụmẹ ọnị ụ vaa ha hụụnị ara?

Anihiburu 6:12

dị asị ọ na ngụ wụ nịnị ẹngụ. Ama waa mẹ̀ ebira, aza ana yịị sị ayịị tụra Ohomorihi, dị ẹ rẹ nyị isuuru. Ẹngụ aza ẹnẹẹ ẹ vaa dọ ẹyịza oni Ohomorihi kà a ka ẹyị zụ nyị ka ọnị ọyị vaa sịị yị wa nị.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Imatiwu 25:26

Dị ọga anị ka: ‘Ẹwụ ozi ahụ odivi ana vị onuworo aanị!’ Wâ yẹ ka ịzị mè yi chire ịsa tụ́, mịị̄ há ịsaa hụrẹ nị; dị mị rẹẹ̄ kụ́ ịsa ọnị mẹ̀ yị gara tịtẹ nị.

Ụhịrẹyị 30:25

Ihine ẹ yị nyị ụkata ama ịsọyịrị ẹnịnị vị ẹnẹẹ̄ kụ tẹ̀ ịnị ụmẹ ịsa ọyịna.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

Ụhịrẹyị 21:25

Onuworo nịnị eneē yị mē si ka ẹnị ẹ mẹ̀ ụkọrọ, vana wụ ẹngụ ẹnịnị kẹnẹ.

Ụhịrẹyị 19:15

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.

Ụhịrẹyị 22:13

Onuworo vị anaā ya ịnị eehi; ọ kà ọnị ọ̀ọ jịnẹ idu ana ya oze vaa za ọnị.

Ụhịrẹyị 10:26

Ayodu ọza ana tụ onuworo ụtụ re nị. Vị ọ mẹ ẹgọ ka ọza eyi, dị ọza ọnọọ ẹ yị nyị irenu ha nị.

Ụhịrẹyị 19:24

Uworo ọ̀ yị zẹ ka onuworo ọ da ịsa nọ irenu.

Imatiwu 6:26

Wee re inomi nịnị; Ẹnịnị e yi mē chire ịsa, ẹnịnị ẹ yị mā rẹ kụ́ ịsa gụ, ẹ yị mā kụ́ ịsa hi ini oje. Ama Ada awụ nịnị ẹbẹẹba aa yịị pá wa. Aanịka we yi huna inomi nịnị?

Ụhịrẹyị 15:19

Onuworo vị anaā vị ọnịrị akanya pooro kẹnẹ, ama ọnịzẹyịza vị ọnị ẹhẹ anị zoza yị.

Ụhịrẹyị 1:17

Ọpa ọnị ọza re o mē che e.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ụhịrẹyị 23:19

Ozi emi, sị ụtọ pe mé, dị ụ wa nyị ịrẹyọyẹ ọnị ụ vaa sị mẹ̀ ẹhẹ awụ.

Ụhịrẹyị 30:24

 nyị ịsa ẹẹna ịrẹsụ ẹtẹ ene weyi ama dị ẹ nyị ịrẹyọyẹ ẹnẹmẹhị nị:

Ijeremaya 8:7

Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.

Ụhịrẹyị 10:4

Uworo vị ana a sị ọza re osiye ama ọza ana aa sị ụvọ anị mẹ vị ana aā nyị rị ụvọ.