Ụhịrẹyị 6:32 - IWE ỌNỊNỊ

³² Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ụhịrẹyị 6:32 Referans Kwoze

Ụhịrẹyị 7:7

Ô re ọmụha ọnya ịnị akakana ẹnịnị ana vọ ana mẹ ụra.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Ijeremaya 5:21

Ẹwụ nịnị ọnụra ẹnẹẹ yị yẹ ịrẹyị aanị ẹ̀ wụ o, waa nyị eyi nịnị ama we yi si re ẹtẹ nịnị, waa nyị ụtọ nịnị ama wẹ yị sị wụ́ ịrẹyị nịnị.

Ọyịkụra 20:14

Wẹ yị nyayịnẹ sẹ̀ ịrẹka.

Oyinyima 41:39

Di Ihwarawo va hị́ Ijosẹẹhụ dị ọ ka, “A mẹ̀ hị́ ka ọnị Ohomorihi maanị sị ịsa ẹnẹnị zụ̀ aanị nị, ẹ yị nyị ọza ẹnẹsa ana maanị nyị ịrẹyọyẹ ọnị ọ nyị aanị.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ijeremaya 5:8

Ẹnịnị vị ana sị mẹẹ anka umaata araka ana a sị pa ẹtẹẹrẹ avọọ; ẹngụ ẹnịnị ẹ ma dọ. Ọzọza vị enee sì ose ọnọhụva kaara-kaara.

Ụhịrẹyị 9:4

Ịrẹyọyẹ vị ana hị́ ọnụra ka ọ ngụ ịnị eehi anị nị. Dị ọ hị́ ẹnị ẹnẹ ẹ yị yẹ ịrẹyị dị ọ ka,

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ihoseya 13:9

Ẹnẹyịmavara kà ọnị vee vu Anisirẹrị nịnị ẹtẹ. Ẹnẹ zụ gụ wa ụvọ?

Ụhịrẹyị 6:33

Ẹngụ ọza ọnọọ vị anaa tọ ụnava, dị aa mẹ̀ ụhị nyị ọ, dị ọ vị ụhụ yọ pooro.

Ụhịrẹyị 10:13

Ọnịrẹyọyẹ vị ana a ka ịrẹyọyẹ ama inori ẹ yị tara ọnụra.

Ụhịrẹyị 10:21

Aza ọrụrụ-ọrụrụ aa rị aha ịrẹyị ọza ọyịza nị, ama ụra ọnụra ọọ wụ ọ nị.

Ụhịrẹyị 11:12

Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị.

Ụhịrẹyị 12:11

Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ụhịrẹyị 24:30

Maa para aarẹ ọnịrị ụbazị ịvayịnị onuworo ẹnẹ ẹ yẹ ịrẹyị hu.

Ụhịrẹyị 2:2

Sị ụtọ pe ịrẹyọyẹ, dị wa yẹ ịrẹyị.