Ụhịrẹyị 6:18 - IWE ỌNỊNỊ

¹⁸ Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị.

Ụhịrẹyị 6:18 Referans Kwoze

Oyinyima 6:5

Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Ụhịrẹyị 1:16

Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.

Aniroomi 3:15

Ọza ọyị wụ̀ ọ mā tụ́ wa akanya.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ịzakaraya 8:17

Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị.

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Ụhịrẹyị 24:8

Ọza anaā mẹ̀ aro ka ọnị ọ mẹ̀ odivi vị ana a vaa hị́ ọmọzakụyẹ.

Ahẹ Ụgama 36:4

Ọ̀ọ na hụtụ, di ee ro ịrẹyị odivi ọnị ọ vaa mẹ Ebira odivi kẹnẹ ọ dọ ọda anị nị, ọ yị yara yi ka ọnị ọ yị mẹ̀ ebira odivi.

Ụhịrẹyị 24:2

Ẹ mẹmẹ vaa kụ ẹngụkata hi ẹtẹ kẹnẹ e yee ro nị. Irenu ẹnịnị ọ mā ka ọyịza.

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.