Ụhịrẹyị 6:12 - IWE ỌNỊNỊ

¹² Aza odivi vị ene eē cheeche yẹrẹ-yẹrẹ zị.

Ụhịrẹyị 6:12 Referans Kwoze

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Ụhịrẹyị 16:27

Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị.

Ụhịrẹyị 4:24

Asị ụ cheeche, asị ụ vene ọza.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Ụhịrẹyị 17:4

Ọza odivi vị eneē si ka aa ka ọhịmị ọza, avọọ onireche meē si ka ọnị ọ wụ ka è du ọza.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ahẹ Ụgama 59:7

Wáā wụ́ ị́rẹyị ẹnẹ ẹ yaa kà a hụụnị irenu! Ẹ yaa kà ịrẹyị ama ẹ ka ọza ọ yị vaa wụ́ ịsị ẹnị aa kà.

Ijemiisi 3:6

Ịrarẹ vị ana sị mẹẹ anka ịra avọọ. Avaba ịsa edivi ene hi ịnị ẹhẹ ọnọnị hi ịnị ịrarẹ ọza, dị ẹ na ngụ ịnị ẹngụ ọza, dị e du ọ. Ọ nyẹngụ jị ịra tụ́ ịnị avaba ẹhẹ ọza saka-saka. Ini eku ịra gẹdẹ-gẹdẹ ụ́kata ịra ọnọọ yà nị.

Ụhịrẹyị 11:6

Ịzẹyịza ọnịzẹyịza aa dọ ọ ha nị, ama ọhọha anapẹ ọ vị ịrẹpa ana aa za a nị

Ụhịrẹyị 6:14

Ẹnịnị vi eneē ro ịrẹyị odivi ọza pooro, dị ẹ yaa kụ aza ịrẹsụ nya ẹngụ;

Ụhịrẹyị 2:12

Ịrẹyọyẹ vị anaā dọ ọzaa há hụụnị ebira odivi. Ọọ̄ mẹ ka ọza o noze hi enevene nịnị,

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ahẹ Ụgama 10:7

Irenu ẹnịnị ọ mā kà ọyịza paa Ẹnịnị vi ene eē cheeche, dị ẹ yaa mẹ ehunaa yị aza.

Ahẹ Ụgama 10:3

Aza edivi vi ene eē sì ịsa edivi di e re yee sii wo oto bẹẹ Ọnọhọha ẹnẹẹ aa kụ̀ Ẹnẹyịmavara ụhụ dị ẹ yaa sị ọ mẹ enyinyi nị.

Ijemiisi 1:21

Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ijeremaya 24:2

Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

1 Ịsamụwẹrị 17:28

Aza ẹnẹẹ mẹ̀ maanị aa kà a yị Idevidi, di Eriyabi ẹnẹbẹnị anị sị wụ nị. Dị ayị sị kụ́ Eriyabi tù Idevidi nị, dị ọ ka, “Si u ve sì ịzẹnị? Ẹnị ụ navọ ịsụpa chee ana ada ayị nyị tịtẹ yị ịnị ụnọmị ịzọọ? Mâ yẹ ka vi ụụ̄ wo otoo zị nị, dị mị rẹ yẹ ịsa odivi ana yà ịnị ayị awụ nị. Mâ yẹ ka ụ vẹ ịzẹnị ka we ve re ị mẹmẹ aa kụ̀ ịrẹkụ nị.”

Ụhịrẹyị 10:32

Ọnịzẹyịza ọ yẹ ịrẹyị ana vọrọ ka ọ kà ama aza ọhịmị vị ana a kà odivi.

Ahẹ Ụgama 101:3

Mẹ yị vaa dọ ka ma rẹ mẹ̀ ịsa odivi. Ebira ọnị enevene nịnị aa mẹ vị ana aa nyị mị ịhyẹrẹ, mẹ yị vaa zẹẹ ka ẹngụ ebira ẹnẹẹ ẹ̀ dà gẹ mị.

Ụhịrẹyị 3:32

Ẹnẹyịmavara ọ nyị ịhyẹrẹ ọza ana mẹ̀ ebira odivi, ama ọọ̄ sị ayị tụra ọnịrẹyịzẹyịza.

Ụhịrẹyị 16:30

Ọza anaā zị oze ịrẹma sị eyi tụ́ ịrẹyị ọ nyị aro ọhịmị tụ́ ịnị ayị anị.