Ụhịrẹyị 5:2 - IWE ỌNỊNỊ

² agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ.

Ụhịrẹyị 5:2 Referans Kwoze

Ụhịrẹyị 16:23

Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ahẹ Isoromọnị 4:11

Ẹwụ ose mi, onupa awụ ee hine anka ẹhụ avọọ, ịrarẹ awụ vị ana sị mẹẹ anka ịrẹva ụnọ ọnịrị ẹhụ avọọ yị mị. Ịta ọnị ụ kụ́ hi ẹngụ vị anaa dagụ ẹtẹ Ịrẹbanọnị.

Ụhịrẹyị 15:2

Ọza ana yẹ ịrẹyị vị anaā ka ịrẹyị ịrẹyọyẹ ama ọnụra vị anaā kà ututu.

Ụhịrẹyị 10:21

Aza ọrụrụ-ọrụrụ aa rị aha ịrẹyị ọza ọyịza nị, ama ụra ọnụra ọọ wụ ọ nị.

Ahẹ Ụgama 119:13

Avaba ọda ọnị ụ mẹ vị ọnị mị vaa sị irenu amịị kà.

Ahẹ Ụgama 71:15

Eyinị-eyinị vị ọnị mị vaa kà ịrẹyị ịsa ozoza ọnị waa mẹ, dị maa kà a ka ẹwaā dọ ọzaa ha nị, ma daka yẹ ka mẹ yị zụ kà avaba anị ta.

Ahẹ Ụgama 45:2

Taarụ, ịnị avaba ọnọrụ, ẹ yị nyị ọza ẹnị ẹwụrịị aa mẹ ọpa ini uzoza Avọọ Ohomorihi mẹ̀ rẹ sị ụkata wụ ka wa yara kà ịrẹyị nị dị aa mẹ ka òo zee wụ pooro nị.

Ụhịrẹyị 20:15

Ịrẹyọyẹ o huna ẹkẹhị nị.

Ụhịrẹyị 3:21

Ozi emi sị ụvọ za ịrẹyọyẹ awụ. Asị u ne e ta.