Ụhịrẹyị 4:3 - IWE ỌNỊNỊ

³ Ụmẹ ọnị mị sị vị ozinụvọ, dị mị vị ọnọrụ ikonya tụ ọnyị ọnịrị ada amị ụvọ.

Ụhịrẹyị 4:3 Referans Kwoze

1 Ịtọpa 22:5

Idevidi ô rò o, dị ọ kà, “Irehi Ohomorihi ọnị ozi emi Isoromọnị vaa dà vaa banyị ẹtẹẹtẹrẹ, dị ọ ngụrẹyị, dị ọ nyị ụbanyị eyi avaba anẹhẹ. Ama Isoromọnị ọ sị vị ozweyi, e yị nyị ịsa ọ yẹ. Agụvị avọọ, aa nyị ka me tenyi avaba ẹnya ana a vaa sị dà tịtẹ yọ.” Dị Idevidi nyayịnẹ kụ ẹnya irehi hi ẹtẹ tịtẹ tẹ̀ ẹ di o ve su nị.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

1 Ịtọpa 29:1

Ohinọyị Idevidi ộ kà a yị avaba aza ana gụ ka: Ozi anị Isoromọnị Óhomorihi va nyị nị, ama ozweyi ọ vị nị; ẹ yị nyị ịsa ọ yẹ. Ụkọrọ ana nyị ka à mẹ aanị ọ́ọ dẹngụ ẹtẹẹtẹrẹ, agụvị ka ẹ yị vị irehi ohinọyị ọzarẹyịrẹsụ irehi ọnọnị vị, Irehi Ẹnẹyịmavara Ohomorihi ọ vị nị.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Ijeremaya 10:23

Ijeremaya ka, Ẹnẹyịmavara ọnị oo yẹ ka ẹ yị nyị ọza ana zụ sị ụvọ nya ịrachị ọnị ọ nyị ẹhẹ anị nị. Ẹ yị nyị ọza ana nyị ụkata ka a ka aanị ọnị mẹ vaa mẹ ẹhẹ anị nị.

1 Ịtọpa 3:5

 ma ozi ọrụrụ-ọrụrụ yọ ịzọọ. Ose anị Ịbatịsẹba, ana vị ozi Amịyẹrị ộ ma ezi ọnọrụ ẹẹna yọ. Ẹnị ẹ vị Isimeya, Isobabi, Inatanị, ọnịrị Isoromọnị nị.