10 Ọnẹẹ obooro ọọ zwọ. Ọnị ọ nyị ụbanyị huni ẹkẹhị nị.
Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.
Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.
Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.
Ịrẹyọyẹ ọ nyị ụbanyị hụụnị ọmọ nị, ẹ yị nyị ịsa ọnị ọza nyẹngụ sị juwe anị.
Ọ mẹ̀ maanị yà aanị, asị u hí angwa ozi emi. Mị vaa mẹ̀ ịsa tụra ịsa ọnị weè họ̀ use anị yị wụ, agụvị ka avaba anẹkụra ệ yẹ ka ọnyẹnẹẹ obooro ụ vị nị.
Ịrẹyọyẹ o huna ẹkẹhị nị.
ama vị va ngụ ọyaanị, ọnị ẹ yị va yẹ. Ọnị ọọ yẹ ka àa kụ aza ẹnị akahị gụ a vaa nyị ọnọrụ ikonya ịnị ẹnịnị, ama ọnị ẹ yị re ọnyẹnẹẹ ikonyara.
Ịrẹyọyẹ o zoza huni ọmọ nị; ẹ yị nyị ịsa ọza e si ana wụra pe mẹ ọpa.
Ịrẹyọyẹ ọ nyị uyi hụụnị ịrẹta ẹkẹhị-ẹkẹhị ana aā hị́ ikora, ijasipa ọnyọọnyị nị.
Ịrẹha ọnọrụ ọnọọ ọ rị Ịnabarị nị. Di ose anị ọnị rị Abigẹrị nị. Abigẹrị oni ô zoza, avọọ ọ mẹ̀ rẹ yẹ ịrẹyị nị. Ama ọva anị ana vi Anịkarẹbị ọnị vị ọza kẹnẹ-kẹnẹ, dị ọ rẹ vị ọnọyịha nị.
Ịrẹyọyẹ ọnyẹnẹẹ sị tenyi ovwoovu anị nị, ama ọnụra vị ana sị ụvọta anị gara a.
Ẹngụ ọnẹẹ ọnọọ vị ọnị ọva anị sị ayị tụra. Uruwa ọ yị mā za ọva anị.
