Ụhịrẹyị 30:8 - IWE ỌNỊNỊ

⁸ Ộ ka Ohomorihi ọ sị apẹ ọnịrị ireche noze rịịrị ọnị. Asị ọ zẹ ka iruwa ọ za ọnị, dị asị ọ rẹ mẹ̀ ogu hi ẹtẹ yị ọnị baaba, ama ọ sị ẹhụ ịsọyịrị anị kẹnẹ yị ọnị.

Ụhịrẹyị 30:8 Referans Kwoze

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Iruuku 11:3

Navọ wa sị ịsọyịrị ẹkụhị-ẹkụhị ana a vọrọ ka yaa rịị yị!

Ahẹ Ụgama 119:37

Gụ mị ụvọ dị ma sị eyi hụụnị ịrẹyị kẹnẹ-kẹnẹ. Navọ dị wa sị ayị amị tụ́ ịnị ịrẹyị awụ.

Ahẹ Ụgama 119:29

Navọ asị ụ zẹẹ ka me nyee eyi, navọ wa hụ agụvị ayamva awụ dị wa sị ọda awụ kọ mị.

Ijoovu 23:12

Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

Ụhịrẹyị 21:6

Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ.

Imatiwu 6:11

Sị ịsọyịrị ẹkụhị ajịnị yị yị,

Ụhịrẹyị 22:8

Ọza ene chire atọ odivi vi ene vee re ọhịmị, dị ẹ yị kụkụ zụ mẹ ẹvaya yị ọza.

2 Ohinọyị 25:30

Eyinị-eyinị ohinọyị aa sị sị ẹkẹhị yị Ijehoyakimi pooro dị ọ mẹ̀ ẹhẹ anị nị.

Ọyịkụra 16:35

Anisirẹrị nịnị ệ rị imana mẹ ịrayị ẹbẹẹva. Ọnị ẹ rị pooro dị ẹ va ngụ ịnị ẹtẹ Ikanaani ịzị ẹ na ra nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Ayịsaya 5:18

Wa sị dà nịnị ẹwụ nịnị eni kune ẹnya ebira odivi, di u si obo evene ọnịrị ayịchama tụ́ ọ di wee sii tura a nịnị.

Ịrẹyị Ọzwọzịsa 1:2

O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi.

Ọyịkụra 16:18

Ịjị a sị ẹnya ana vi achẹva ịgarọọnị ngọ ọ, ọọza ana kụ́ rụrụ ọ yị vọ ẹtẹ; ọọza ana kú kiiki ọ yị rẹ jị ha. Ọpa ana hụ ọzọza rị ọzọza kụ́ nị.

Ọyịkụra 16:15

Anisirẹrị nịnị mè re e, dị ẹ yaa họ̀ ẹngụ dị ẹ ka, “Sị ẹ vị ọnọnị?” Ẹnịnị ẹ yị yẹ ịsị ọ vị. Di Imosiisi va kà a yị wa dị ọ ka ịsọyịrị ẹnị Ẹnẹyịmavara sị yị wa ka ẹ̀ẹ rị ọ yọ nị.

Ijeremaya 52:34

Eyinị-eyinị pooro dị ọ su, vị anaa vanaa sị ẹkẹhịị yọ ka ịsị ee sì kẹnẹ, ọ̀ sịị mẹ̀ ẹ.

Ijeremaya 37:21

Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.

Ụhịrẹyị 23:5

Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.

Ọyịkụra 16:29

Tamayị ka ẹmị Ẹnẹyịmavara mâ sị ẹkụhị ụhwọtụ yị wụ nịnị. Agụvị avọọ dị mị ka wa kụ́ oze ẹẹva ịhị ẹ tụ́ ọ ẹkụhị ịhịnọnyị nịnị nị. Ọzọza ọ̀ yà ịzị ọ̀ọ yà ịnị ịhị ẹ tụ́ ọ ẹkụhị ịhịmba. Asị a nyị ọza ana jịnẹ tụ́ ẹhẹ.”

Oyinyima 28:20

Di Ijekọvụ zẹẹ Ohomorihi ịzẹzẹ dị ọ ka: Àa vị ka Ohomorihi ộ yà pè ọnị, di o sere ọnị ịnị ụsẹ ọnị ọnị aa zị aanị nị; ọ̀ọ sị ịsọyịrị yị ọnị, dị ọ sị ịta yị ọnị kú ẹngụ nị

Ịjọọnụ 2:8

Dị Ijeesu rẹ ka, “Ká a na yị ohi aga ana ya ịzọọ!” Dị ẹnịnị ká a naa yọ nị.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ụhịrẹyị 30:7

Agụ kà ịsa ẹẹva ọnị pa Ohomorihi ka ọ sị yị ọnị dị ọnị o vee su nị.

Ụhịrẹyị 13:5

Ọnịzẹyịza ọọ nyị ịhyẹrẹ ireche nị ama ọza ọhịmị vị ana mẹ̀ ịrẹyị ụhị.