Ụhịrẹyị 30:5 - IWE ỌNỊNỊ

⁵ Avaba ịrẹyị Ohomorihi vị ịzẹyịza. Ọnị ọọ̄ dọ aza ene zwe na rị ọ tụ anka ogonto avọọ nị.

Ụhịrẹyị 30:5 Referans Kwoze

Ahẹ Ụgama 18:30

Mâ yẹ ka avaba ịsa oni Ohomorihi mẹ, ẹ yị nyị oni oō nye eyi ịnị anị; nyị ịrẹyị Ẹnẹyịmavara ana vi ireche. Avaba aza ene èe zwe na vaka vi oni oō sere a mā nyị ịsị ẹ zụ kanyị wa.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Ụgama 12:6

Ẹnẹyịmavara ọ̀ọ kà ka ọnị vaa mẹ ịrẹyị ịrẹyị anị vị a naa gẹẹ. Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị, kụkụ nyị evene ịnị anị.

Ahẹ Ụgama 3:3

Ama ẹwụ Ẹnẹyịmavara, ẹwụ vị ana maanị jesi kara mị okiri-okiri wẹ yị zẹẹ ka à nyị ịsị ẹ kanyị mị. Wâ sị ụbanyị mị dị ụ mẹ ka ma nyị ehuna nị.

Ahẹ Ụgama 119:140

A sị ọ zama re ka avaba ịsa ọnị ụ ka ụ vaa mẹ vị ọnị ụụ̄ mẹ ịzẹyịza. Mê sì ịrẹyị awụ ẹtẹẹtẹrẹ.

Ahẹ Ụgama 91:2

Ẹnị ẹẹ̄ kà a ka Ẹnẹyịmavara, ịda awụ mị tẹ dị à yị nyị ịsị ẹ zụ mẹ mị nị. Ohomorihi amị, mị vaa sị ayị tụra wụ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Aniroomi 7:12

Àa vị ọdaa yọ, ọda ọnị vị ọnịnị, avaba ọda ọnya-ọnya vị ọnịnị, dị ẹ vị ịzẹyịza, di e re zoza nị.

Ahẹ Ụgama 144:2

Ọnị ọ vị Ohomorihi amị nị. Ô sì ịrẹyị amị, ịda anị mi zwe na tẹ̀ nị. Ọnị ọ sị mị tẹ ka asị a nyị ịsị ẹ zụ kanyị mị vụrụ-vụrụ, dị aa dọ mịị tụ́ nị. Ịda anị mi zwe na tẹ̀ nị. O reè hụ́ anẹkụra ẹtẹ yị mị.

Ahẹ Ụgama 19:8

Avaba ọda anị vị ana vọrọ, ọza ana sị eyi pe è, ẹ vaa jẹ Ọda Ẹnẹyịmavara ộ gụ, ọ zụ sị eyi ọza hweyi.

2 Ịsamụwẹrị 22:31

Ẹwụ Ohomorihi, ẹwụ ē mè nyeeyi vụrụ-vụrụ. Ịsa ẹnẹ Ẹnẹyịmavara kà, ẹ yị nyị ireche o! Avaba aza ene zwe na vaka ọnị, avaba ẹnịnị o sere nị, ẹ yị nyị ịsị ẹ zụ kanyị wa.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ụhịrẹyị 2:7

Ẹnẹyịmavara e sere ọnịzẹyịza, dị ọ raa gụ wa ụvọ nị.

Ahẹ Ụgama 18:31

Ẹnẹyịmavara ịnya kẹnẹ ọ vị Ohomorihi nị ọnị ịnya kẹnẹ o zụ sere yị nị.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.