Ụhịrẹyị 30:4 - IWE ỌNỊNỊ

⁴ Ẹnẹ na ẹbẹẹba, ene chi vẹ da? Ẹnẹ sị ụvọ za ahị da? Ẹnẹ sị achị gụ enyi ịrẹgụ da? Ẹnẹ tẹ ẹhị ẹhwị ẹtẹ avaba ẹhẹ? Ịrẹha ọza ọnọọ rị? Ịrẹha ozi anị rị? Kà a mị ẹnẹ ọ vị?

Ụhịrẹyị 30:4 Referans Kwoze

Ịjọọnụ 3:13

Ẹẹ̀ yị nyị ọza ana hịrẹ nọ ịdị Ohomorihi da, ẹ̀ yị rẹ vị ẹmị Ozi ọza onigirima kẹnẹ ana hụrẹ ẹbẹẹba ịzọọ chí vẹ.

Ijoovu 26:8

Avọọ ọ mẹ rẹ sị eguhi banyị para enyi nị. Enyi ọnọọ ẹ yị gara eguhi ha.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Iwe Ọhụhị Imosiisi ana aa hị́ Ọyịvatụrọda 30:12

Ọ yị nẹba na ngụ eguhi. Ẹ yị nyị ka wee họ̀ use ka ẹnẹ aa hịrẹ nọ ẹbẹẹba dị ọ na sị ọ chi vẹ va yị, agụvị yaa zụ wụ ọ, dị yaa saasa a?

Ẹtore 19:12

Eyi anị vị ana sị mẹẹ anka ịrarẹ ịra avọọ. Ọkẹkẹrẹkụ ọrụrụ-ọrụrụ hi ịnị ịrẹsụ anị. Ộ nyị ịrẹha ọnya aanị ana a chẹrẹ tụ́ ọ ẹngụ. Ẹ yị nyị ọza ẹnẹsa ana yẹ ẹ, ẹ̀ yị rẹ vị ọnịnya kẹnẹ.

Aniroomi 10:6

Ama ịnị ka Ohomorihi ọ̀ za ọza ịrịka tụ́ ịnị ọnịrẹyịzẹyịza, agụvị ka ộ sị ayị tụra Ikirisiti, a rẹ nyị ịsị a kà ịnị anị. A ka, “Asị u ne roo ịnị ayị awụ ka ẹnẹ vaa nọ ẹbẹẹba ịda Ohomorihi?” (Ọnọọ vị ka dị ọ̀ na sị Ikirisiti chí vẹ.)

Iwe Ọhụhị Imosiisi ana aa hị́ Ọyịvatụrọda 28:58

Wẹ̀ẹ yị sị ịzẹyịza saasa avaba ọda ọnọnị ana chẹrẹ tụ ini iwe ọnọnị aanị, di u wẹ̀ yị sị ụbanyị yị ịrẹha Ẹnẹyịmavara Ohomorihi awụ nịnị nị, Ịrẹha anị ộ nyị ụbanyị ẹtẹẹtẹrẹ.

Ayịsaya 53:8

Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.

Ọdọvịdị 13:18

Dị anggẹẹrị Ẹnẹyịmavara ọnọọ ka, sị ẹ vẹ dị ẹ yaa họ̀ use ịrẹha anị booro aanị? Ọ kà ẹ yị nyị ọza ana zụ yẹ ẹ.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ahẹ Ụgama 24:2

Ịrẹsụ oku ọ vavọọ sị ọ jẹẹ tụ́ nị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Oyinyima 32:29

Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị.

Ọyịkụra 15:10

Ama ụhwẹ ụ tụ́ kú wa, di òkū mụnẹ wa nị. Di e chì ngụ enyi ene ee sì vụụ-vụụ anka enyusẹ avọọ nị.

Ahẹ Ụgama 135:7

Ọọ̄ kụ́ eguhi hụrẹ ịzị ẹhẹ na ta hi, dị ọ kụ́ wa vaa hịrẹ. Àa zụ̀ orihi, dị ọ mẹ ka apaana ihinẹba ọ̀ọ haa vaka a. Dị ọ sị ahị jịnẹ hụrẹ ịzị ọ sị ọ tẹ tụ́.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ijoovu 11:7

Ọ̀ọ ka ọnị ọ zụ yẹ Ohomorihi mẹmẹ nyị ụbanyị ọnịrị ịzị ọ nyị ụkata na za nị?

Ijoovu 11:8

Ịrẹyọyẹ Ohomorihi ọ nẹba huni ẹbẹẹba dị ọ nyịnẹ huni uruvo ẹtẹ. Sị́ ọ yẹ ọnị ọọ mẹ.