Ụhịrẹyị 30:11 - IWE ỌNỊNỊ

¹¹ Aa nyị aza ẹnyị anaā kụ̀ ada ẹnịnị ụhụ. Avọọ ẹ mẹ rẹẹ̀ ka chire ọnyị ẹnịnị nị.

Ụhịrẹyị 30:11 Referans Kwoze

Ụhịrẹyị 20:20

Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Iwe Ọhụhị Imosiisi ana aa hị́ Ọyịvatụrọda 27:16

O yi vee ze yị ọza tụra ọza ẹnẹ ẹ yị sị ụbanyị ada anị ọnịrị ọnyị anị. Dị avaba aza ọ̀ ha aamị!

Ọyịkụra 21:17

Ọza ọ̀ọ kụ̀ ada anị àa vị ọnyị anị ụhụ ọza ọnọọ vị ana aa wụ.

Ireevi 20:9

Ẹnẹyịmavara ộ mẹ̀ ẹ ọda ka, ọza tụra ọza anaa kụ́ ada anị à vị ọnyị anịị ụhụ, à wụ̀ ọ. Ọza ọnọọ o si ẹngụ anị isu nị. À sị a nyị ọza ana á tụ ohuvọ.

1 Itimoti 5:8

Ọza ẹnẹ ẹ̀yị mā tẹsị aza anị, hu keekere aneehi anị, ọ́ọ sị zụ̀ ka ọyị dọ Ohomorihi wụ́. Ọ́ọ hyakụ kuku divi huna ọza ẹnẹ ẹ̀ yị vị ọdọwụ.

1 Itimoti 5:4

Osoku ana àa ma ozi, à vị ka dị ọ nyị aazị nị, áa vọrọ ka ezi ẹnẹẹ ẹ̀ vịdị tẹsị aneehi ẹnịnị, anka Óhomorihi mè sì ọọ. Avọọ ẹ mẹ̀ zụ mẹ sí aza ana ma wa ụta nị. Ịsị Ohomorihi sì ọ vị ọnọọ nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ụhịrẹyị 23:22

Wụ ịrẹyị ada awụ ana ma wụ, dị ụ waa tẹsị ọnyị awụ ịjị ọ̀ọ sị vịra.