Ụhịrẹyị 3:6 - IWE ỌNỊNỊ

⁶ Tamayị Ẹnẹyịmavara ịnị ịsa tụra ịsa ọnị waa mẹ̀, ọ vaa sị oze zụ wụ.

Ụhịrẹyị 3:6 Referans Kwoze

Ụhịrẹyị 16:3

Sị ịsị wàa mẹ̀ chire Ẹnẹyịmavara ụvọ, dị ọ zụ vị mẹ̀.

Ahẹ Ụgama 32:8

Di Ohomorihi kà ọnị vaa zụ̀ mi oze ana a vọrọ ka mị va zị. Ọ kà ọnị pè mii jị uwe, di ọnị ee sere mị

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ijeremaya 10:23

Ijeremaya ka, Ẹnẹyịmavara ọnị oo yẹ ka ẹ yị nyị ọza ana zụ sị ụvọ nya ịrachị ọnị ọ nyị ẹhẹ anị nị. Ẹ yị nyị ọza ana nyị ụkata ka a ka aanị ọnị mẹ vaa mẹ ẹhẹ anị nị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ayịsaya 30:21

Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.”

Ayịsaya 48:17

Ohomorihi ọnịnị Anisirẹrị, Ẹnẹyịmavara ẹnẹdọha awụ nịnị ka, Ọnị ọ vị Ẹnẹyịmavara Ohomorihi ẹnịnị ene si ka ọnị ọ zụ wa ịsa agụvị o zoza yị wa, dị ọnị ọ zụ wa oze ọnị a vọrọ ka ẹẹ zị nị.

Anikorasi 3:23

Avaba ịsị ụ wàa mẹ, waa sị ayị ọnyara mẹẹ anka ọza ana aa mẹ ụkọrọọ yị Ananyị yị! Asị ụ mẹ̀ ẹ anka ọza ana aa mẹ ụkọrọọ yị ọza kẹnẹ.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ụhịrẹyị 23:17

Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

1 Ịsamụwẹrị 30:8

Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.”

Ayịsaya 45:13

Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ.

Inehemaya 1:11

Dị ọ ka, Ananyị yị ọ̀ navọ ọ̀ wụ́ aduwa anị ọnịrị aduwa ezi ahụ ana vọ anaa sị ụbanyị yị ọ. Ẹnẹyịmavara ọ̀ gụ ọnị ụvọ ịnị ịsa ọnị ọnị ọ̀ọ họ̀ use anị hụụnị ụvọ ohinọyị. Ọ̀ mẹ ka ohinọyị ọ̀ nyị ayamva yị ọnị. Ịnị ụmẹ ọnọọ, Inehemaya ọ vị ọza ene si eyi pe ịsọyịrị ohinọyị.

Inehemaya 2:4

Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba.

Ẹzịra 7:27

Dị Ẹzịra ka, ọnị ộ sị ụga yị Ẹnẹyịmavara, Ohomorihi ohiku ẹnịnị ana mẹ ka ohinọyị ọ̀ maanị sị ụbanyị yị irehi Ẹnẹyịmavara Ohomorihi ana ya Ijerusarẹmị nị.

2 Anịkọrịntị 8:16

Yâ kụ́ Ohomorihi avọọ ka ộ mẹ̀ ka Ịtayịtọsị ộ sị ayị sì ịrẹyị awụ nịnị, anka ẹyị mẹ̀ rẹẹ mẹ

Ịrịka 9:20

Ụmẹ ẹnyị eguhi vị ana mẹ ẹkụhị che kẹnẹ ịrẹsụ ajẹngụ, dị Ẹnẹyịmavara ọ kà a ka ẹẹ kwẹẹtẹ, dị ẹ rẹ kwẹẹtẹ.

Inehemaya 7:5

Ohomorihi amị ộ sị tụ mị ayị ka ma hị́ ọdọvịdị ẹkụra nịnị ẹnịrị aza ana vọ gụ agụvị dị à chẹrẹ ịrẹha aza tịtẹ nị. Ịrẹma anị mi vee re iwe ana a chẹrẹ ịrẹha ovwoovu-ovwoovu Aniju nịnị ana dọ ọvịdị va hụrị Ịbabịrọnị vẹ eehi hi nị.

Ụhịrẹyị 11:5

Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị.

Ijeremaya 42:3

Ẹnịnị ka, ọnị ọ̀ mẹ̀ aduwa ka Ẹnẹyịmavara, Ohomorihi ọ̀ zụ ẹnị oze ana vọrọ ka ẹnị zị, dị ọ̀ zụ ẹnị ịsị a vọrọ ka ẹnị ẹ̀ mẹ.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.