17 Ịrẹyọyẹ vị anaa mẹ̀ ẹhẹ hine ọza, dị ọ sị ayị ọza nẹtẹ.
Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”
Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.
Ụ vaa yẹ ịrẹyị, dị ayị awụ e hine.
Aza ene sì ịrẹyị ọda ọnị ụ mẹ vị ana nyayịnẹ nyị ẹngwọọrọ, ẹ yị nyị ịsị ẹ zụ gụ wa hyẹdụ.
Ayị awụ vee hine, wàa tamayị ịrẹyị ẹnẹẹ, dị wa sị jị ịrẹyị ahụ yị ọza nị.
Ayị amị vi ene ee hine ka maa saasa jịrị ogu avọọ.
Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.
Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.
Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.
Ẹnẹyịmavara, aarịhịnị mee sì ka wa va gu mị ụvọ, Ọda ọnị ụ mẹ vị ana nyayịnẹ zee mi eyi.
Ịrẹyị ọnị ụụ̄ kà ô hine mị ẹtẹẹtẹrẹ, ộ hyakụ hine mi huna ẹhụ.
Ọda awụ ê zee mi eyi, agụvị ka mê sì ịrẹyị ẹnịnị.
Aza ana kà ẹngụ ẹnịnị chi ẹ vaa nyị ẹtẹ ọnọọ nị Ẹ́ vaa nyị ụbanyị, dị ẹngụ ẹnịnị rọ.
Aza ana sị ụvọ za ọda Ẹnẹyịmavara vaa yẹ ka ộ nyị ịzẹyịza di o ree sì ịrẹyị ọza ịnị avaba ịsa ana aa mẹ nị.
Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.
