Ụhịrẹyị 29:10 - IWE ỌNỊNỊ

¹⁰ Ọwọza nịnị vị anaā nyị ịhyẹrẹ ọnịzẹyịza, ví eē si ka ẹnị ẹ wụ̀ ọnịzẹyịza kwooze nị.

Ụhịrẹyị 29:10 Referans Kwoze

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

Odeyi 7:60

Di o ku ẹtẹ, di o nowu tụ́ ẹba dị ọ ka, “Ananyị yị, asị ụ sị ịvị ịrẹyị ọnọnị tụ́ wa ọrọkọ!” Ịjị ọ maanị sị ọọ kà, di o sú nị.

Ịjọọnụ 5:34

Ẹ yị vị ka vị ẹmị vị ene ee sì ivenu aza nị; ọsọnị vị ọnị maa kà kẹnẹ, agụvị dị ụ wa nyẹngụ há nịnị.

Iruuku 23:34

Dị Ijeesu ka, “Nda, vagu wa, agụvị ka ẹnịnị ẹ yị yẹ ịsị ẹyaa mẹ!” Dị aza ẹnẹẹ gà ịta Ijeesu nị, dị ẹyaa jị osisii tụ́ ọọ nị.

2 Ịtọpa 18:7

Di ohinọyị Anisirẹrị kà a yị Ijehosahwati ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ ọnị, agụvị ka ọ mā kà ịsẹ ọyịza yị ọnị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị kà, “Asị ọ vavọọ kà dè.”

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ahẹ Ụgama 59:2

Navọ wa dọ mị tụ́ hụụnị ụvọ aza edivi ene ee sì ka ẹnị ẹ̀ wụ̀ ọza.

Ụhịrẹyị 29:9

Ọza ana yẹ ịrẹyị ọ̀ọ sị ọnụra nị ikootu, vị ọnụra aa kụ ayị dị aa kụ ọ ụhụ, di e ne owu.

Ụhịrẹyị 29:27

Aza ọyịza vị anaā nyị ịhyẹrẹ aza edivi, avọọ aza edivi ẹnị mẹ rẹẹ̀ nyị ịhyẹrẹ aza ọyịza nị.

Ụhịrẹyị 13:19

Ọza o re ịsị e si ayị anị hine nị. Ọnụra kẹnẹ ọ vị enyisi anị ka ọ va hụụnị ebira odivi anị nị.

Ijeremaya 38:7

Ijeremaya ka, â nyị ọnọrụ ọnya aanị ana aā hị́ Ebedi-Ịmẹrẹkị, Anikusi ọ vị̀ nị, dị aa mẹ̀ ụkọrọ ịdị ohinọyị nị. Ọnọrụ ọnọnị ộ wụ ka asị ọnị ne ngụ ịkangga. Ụmẹ avọọ vị ọnị ohinọyị aa mẹ̀ ọkarẹyị enoze Ịbẹnjamịnị.

Ijeremaya 38:13

Dị ẹnịnị tụra ọnị hụụnị ịkangga va jịnẹ nị. Ịjị ẹ́ raa sị ọnị va jịnẹ, dị ẹ́ navọ ọnị tụ ohweje oserẹtẹ nịnị nị.