Ụhịrẹyị 28:8 - IWE ỌNỊNỊ

⁸ Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.

Ụhịrẹyị 28:8 Referans Kwoze

Ụhịrẹyị 13:22

Ọza ọyịza vị ana a navọ ogu tịtẹ yị ezi ọnịrị ẹmazị anị. Ama ogu ọza ọhịmị ọnịzẹyịza vaa sị mẹ ẹhẹ nị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ireevi 25:36

Ọ kà à sị ẹ́ dọ ọtụrọsarẹsụ tụ ịnị ịsa e si rere ọza ọnọọ, ama ẹnịnị ẹ̀ saasa ịrẹyị Ohomorihi, dị anda ẹnịnị Isirẹrị ọ ra pe wa.

Ezikẹẹrị 18:17

Ẹ́ yị ma dọ ka ọnị ọ̀ mẹ̀ ebira odivi vụrụ-vụrụ. Ọ̀ọ sị ẹkẹhị rèré ọza, ẹ́ yị ma dọ ọtụrọsarẹsụ tụ ọ. Vị ọọ̄ saasa ọda anị, dị aa mẹ̀ ịsa ọnị ọnị kà nị. Ẹngụ ozi ọnọnị ẹ́ yị vee su agụvị ebira odivi ana ada anị mẹ, vị ọ́ vaa yàra nị.

Ọyịkụra 22:25

Wàa sị ẹkẹhị rere aza amị ịnị ẹngụ awụ nịnị ana vị onosiye, asị ụ mẹ̀ ebira ọza ana aā sị ẹkẹhịị rere ọza ka ọnị ọ̀ sị rị ọgụ. Asị ụ dọ ọ ọtụrọsarẹsụ nịnị.

Ezikẹẹrị 18:13

Ọọ sị ẹkẹhị rèré ọza, dị ọ dọ ọtụrọsarẹsụ rawụ-rawụ tụ ọ. Ẹngụ aza ẹnẹẹ ẹ́ẹ́ zụ yara? Eyiye. Ẹ́ yị zụ yara o. Ẹnẹyịmavara kà agụvị ka ộ mẹ̀ ịsị ẹnẹnị anaa nyị ọnị ịhyẹrẹ aanị, vị́ a vaa wụ̀ ọ, dị ọnị ụvọta rị uru ẹngụ anị nị.

Ezikẹẹrị 18:8

Ọza ọnọọ ẹ̀ẹ ma sị ẹkẹhị rèré ọza dị ọọ dọ ọtụrọsarẹsụụ tụ ọ. Ẹ́ yị ma dọ ka ọnị ọ̀ mẹ̀ ebira odivi vụrụ-vụrụ, dị ahịka ịzẹyịza ọ sịị̄ mẹ̀ ọkarẹyị yị aza, ẹ̀ẹ nyị ịrẹyị nị.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Ụhịrẹyị 19:7

Ọza ọnị o divi yị vị ana anda anịị ree zwè; óo nee hi u eyi ọta anị è yèe zwèe yọ. Ẹ́ yị nyị ịsị ọ mẹhịị mẹ̀ dị ẹ̀ dọ ka ẹnị aa gụrị ọ.

2 Ịsamụwẹrị 12:6

Di Idevidi rẹ ka ọza ọnọọ vị ana a vọrọ ka ọ̀ sị atẹmẹ ẹẹna dọ atẹmẹ ọnya ọnọọ ịrẹsụ yị onosiye ọnọọ. Ịsị a vọrọ ka ọ̀ mẹ ọ vị ọnọọ nị, agụvị ka ọ yị vayị ọza vụrụ-vụrụ.

Ahẹ Ụgama 72:13

Ọ vaa vayị oniruwa ọnịrị ọkụmị dị ọ dọ oniruwa tụ́ ka asị o sú.

Ụhịrẹyị 14:21

Ịvị ọ vị ka ọza ọ sị eyi wụ ọnọhụva anị ama ọza ana tẹsị onosiye vị ọnị o vee zee yị.