Ụhịrẹyị 28:18 - IWE ỌNỊNỊ

¹⁸ Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri.

Ụhịrẹyị 28:18 Referans Kwoze

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 28:6

Onosiye anaa mẹ̀ ịzẹyịza o dahi hu ọnyẹkẹhị anaa mẹ̀ asuvu nị.

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ịrịka 22:32

Dị anggẹẹrị Ẹnẹyịmavara họ̀ ọ ka, sị ẹ vẹ dị ọ nya ịkẹrịkẹtẹ ịsa ụpẹ ẹẹta? Ọnị ọ va jẹẹ oze ka asị o re oze parahu agụvị ụsẹ akụvị anị nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Anigaratiya 2:14

Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”

Ụhịrẹyị 10:25

Ịzị ẹngụkata yaa vu ọza ọhịmị ẹtẹ ọnịzẹyịza vị anaa jẹẹ geri-geri ịzọọ.

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 26:11

Ama ẹmị ẹ yị mẹ akụvị ọnyọọnyị, agụvị avọọ navọ wa vayị amị dị wa dọ mị tụ́, o!

Ahẹ Ụgama 25:21

Navọ ịzẹyịza ọnịrị ebira ọyịza e vaa gụ mị agụvị ka ẹwụ mị sị ayị tụra nị.

Ụhịrẹyị 10:27

Ọza ene hí angwa Ẹnẹyịmavara vị ene ku orubo ama ẹhẹ aza ọhịmị vị ana vaa da ẹjịjị.

Ịrịka 22:21

Ịzẹyịza dị Ịbaraamị kwẹẹtẹ ẹnẹnẹ eyinẹhẹ anị dị ộ tụra Ịkẹrịkẹtẹ, dị ọnịrị wa dudu vẹ Imowabi nị.

Ịrịka 22:35

Dị anggẹẹrị Ẹnẹyịmavara kà ọ kụ aza anị varẹma ama dị ọ ka ịsị ọnị ka yọ. Avọọ Ịbaraamị mẹ kụ ọnụtụ Ịbarakị nịnị varẹma nị.

Ụhịrẹyị 28:10

Aza enee vene ọnịzẹyịza ka ọ mẹ̀ ebira odivi vị ana vaa hyẹdụ ngụ ịrẹpa ọnị ọ va, ama ọnịzẹyịza vị ọnị o vee zee yị.