Ụhịrẹyị 27:10 - IWE ỌNỊNỊ

¹⁰ Ịrẹyị òo tu wu, asị u hi ayị ọta awụ ọnịrị ọta ada awụ. Ọsụgụrẹngụ a ka ọ rụra re ẹngụ nị.

Ụhịrẹyị 27:10 Referans Kwoze

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

Ụhịrẹyị 17:17

Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.

Ụhịrẹyị 19:7

Ọza ọnị o divi yị vị ana anda anịị ree zwè; óo nee hi u eyi ọta anị è yèe zwèe yọ. Ẹ́ yị nyị ịsị ọ mẹhịị mẹ̀ dị ẹ̀ dọ ka ẹnị aa gụrị ọ.

2 Ịsamụwẹrị 19:24

Imehwibọsẹtị ozi Ịsọọrụ oni o re chi na ka ọnị ọ̀ na gẹrị ohinọyị. Ọ yị nyịna ahụ anị, ọ yị kụ́ ọkara irenu anị, ọ yị rẹ nyịna awuru anị hụrẹ ịhị oni ohinọyị sị jịnẹ hụụnị hụrẹ Ijerusarẹmị pooro ne tù ẹkụhị ọnị ọ sị vavẹ ịnị ẹngwọọrọ.

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

Odeyi 23:12

Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

2 Ịtọpa 24:22

Ohinọyị ô hí ayị avaba ụkọrọ ọnị Ijehoyada ana vị ada Ịzakaraya mẹ̀ yọ, dị ọ ka wụ́ Ịzakaraya nị. Ịzakaraya mee su, dị nowu tụ ẹba, dị ọ ka, Ohomorihi ọ sị ụya ebira ẹnịnị rị wa.

2 Ịsamụwẹrị 19:28

Taarụ Ohinọyị, vị a vọrọ ka wa wụ̀ avaba aneehi ada amị nị. Ama wa va raà sị mị ka ma hyakụ vaa rị ịsa ini itevuru awụ. Taarụ, ẹ yị nyị ịsị mi kụkụ zụ họ̀ use huna ọsọnị hụụnị ụvọ awụ.”

Iwe Ọhụhị Imosiisi ana aa hị́ Ọyịvatụrọda 22:1

Wèe re ka ụnọ a vị atẹmẹ ọhụva awụ ọ sị jị tụ avị, asị ụ va eyi ụba ka a, za a varẹma na yị ọza ana nyị.