Ụhịrẹyị 26:12 - IWE ỌNỊNỊ

¹² Ọnụra ọ dahi huu ọza ẹnẹẹ yị yẹ ịrẹyị ene ro ka ọnị ọ yẹ ịrẹyị nị.

Ụhịrẹyị 26:12 Referans Kwoze

Ụhịrẹyị 29:20

Ọnụra o dahi hu ọza anaā ka ịrẹyị di ò vee ro o nị.

Aniroomi 12:16

Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.

Ụhịrẹyị 28:11

Ọnyẹkẹhị nịnị vị ene ro ka ẹnị ẹ nyị ịrẹyọyẹ, ama onosiye ọnị eyi anị hweyi ọ́ọ yẹ iruvo anị.

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Ụhịrẹyị 26:5

Va ohi ịrẹyị yị ọnụra dị ọ yẹ́ ka ọnị ọ yị yẹ ịrẹyị anka o mẹ rò.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 7:44

Di Ijeesu và eyi ká ọnẹẹ ọnọọ, dị ọ kà a yị Ịsayịmọnị ka, “U wee re ọnẹẹ ọnọnị? Mâ vẹ ini eehi awụ, wẹ yị ká enyi mị ka ma sị nyịna ahụ. Ama ẹgọ anị ọ́nị sị nyịna ahụ amị, dị ọ sị ẹyị ịrẹsụ anị nyee yọ nị.

Ụhịrẹyị 26:16

Onuworo vi ene ro ka ọnị ọ yẹ ịrẹyị huu aza ana vọ nị.

Ụhịrẹyị 22:29

Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ịjọọnụ 9:41

Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”

Ụhịrẹyị 12:15

Ọnụra vị ene ro ka ọnị yẹ ịrẹyị, ama ọnịrẹyọyẹ ọọ dọ ajuwe ọza nị.

Ụhịrẹyị 28:26

Ọnụra kẹnẹ o ro ka ọnị ọ hụ ẹngụ anị nị, ama ọza ana mẹ̀ ịrẹyọyẹ ọ vaa ha nị.

Ayịsaya 5:21

Wa sị dà nịnị, ẹwụ nịnị ene ee re ẹngụ awụ nịnị ka wâ dà yẹ ịrẹyị nịnị.