Ụhịrẹyị 24:20 - IWE ỌNỊNỊ

²⁰ Aza ọhịmị ẹ yị nyị ẹhẹ ịrẹma. Ẹ yị jẹẹ dị ịra ẹnịnị ọ mi.

Ụhịrẹyị 24:20 Referans Kwoze

Ụhịrẹyị 13:9

Ẹhẹ ọza ọyịza sị mẹ anka ịra ana a za avọọ ama ẹhẹ ọza ọhịmị vị ana sị mẹ anka ịra ene e mi avọọ nị.

Ụhịrẹyị 20:20

Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị.

Ahẹ Ụgama 11:6

Ẹnẹyịmavara vị ana vaa zụ̀ orihi ịrịịra hi aza edivi ịrẹsụ Ịra ana a sị ohuru kà ọnịrị ahị ịrịịra ọ vaa vẹ ịrẹsụ aza edivi nị.

Ijoovu 21:17

Ẹnịnị e yi re odivi, ịra ẹnịnị e yi mi, dị Ohomorihi ẹ yị kụ ayị dị sị ụya rị wa.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Imatiwu 25:8

Dị ọnụra ẹnẹẹ aa dá ịpẹẹ yị ọyẹrẹyị nịnị ka: ‘Aarịhịnị, ká angwẹ yị de, ka ịra ayị ee mi!’

Imatiwu 8:12

Ama dị a dụ ezi anaa vọrọ ka ẹ̀ yà ịnị ịjọva ọnọọ obooro jịnẹ và hi ẹhẹ ịnị ịrahụ. Dị ẹ yà ịzọọ aa jị òrèrè, dị ẹyaa rị anyị.”

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.

Ụhịrẹyị 23:18

Wàa vavọọ aa mẹ̀ wẹ yị vaa sụ ụmayịyẹ. Ịrẹyị ana tụ ọ ẹwụrẹhị.

Ahẹ Ụgama 9:17

Avaba aza edivi ene hi ayị Ohomorihi vi ene vee súu vaa ha.

Ijoovu 15:31

Èe ro ka a nyị ịsa ẹnị vị, ẹ vaa hyẹdụ nị. Ụtẹ aa za ịrẹsụ nị.

Ụhịrẹyị 17:20

É mē zee yi ọza eneē ro ịrẹyị edivi, ọza ọnị irenu anị ẹ yị mā kà ọyịza, e mē re ọyịza, odivi-odivi oō tu ọ nị.

Ụhịrẹyị 21:4

Aza anaa mẹ odivi vi anaā sịị ẹngụ tụ́ ẹba di e yee wu. Ịrẹyị odivi kẹnẹ ọ jị wa areyi nị.

Ahẹ Ụgama 37:2

Wê re avị mèe nyị, òo tù ụpẹ ọnya kẹnẹ dị ọ rị ịra va ha avọọ ẹhẹ aza edivi mẹ̀ yà nị Ọ yị jẹẹ dị ẹnịnị è sú va ha.