Ụhịrẹyị 24:16 - IWE ỌNỊNỊ

¹⁶ Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ụhịrẹyị 24:16 Referans Kwoze

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ahẹ Ụgama 37:24

Ẹngụ ọza ọnọọ ọ̀ọ daka tụ́ ahụ, ọ yị vaa hyẹdụ agụvị ka Ẹnẹyịmavara ọ sị ọtụ kà a ịrẹma nị.

Ijoovu 5:19

Ọ vaa dọ wụ tụ ụpẹtụrụpẹ agụvị asị a nyị ịsa ana mẹ wụ.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 13:17

Ọnụtụ odivi vị ana a kụ akanya tu ọza ama ọnụtụ ọyịza vị ene e tenyi ẹtẹ.

Emọsị 5:2

Isirẹrị sị mẹ anka ozwoorihi ana hyẹdụ, dị ẹ yị vana zụ kwẹẹtẹ avọọ nị. Dị aa hụrẹ ẹ ụvọ tụ ịzị ọ ya nị. Ẹ yị nyị ọza ana sị ọ kwẹẹtẹ

Ahẹ Ụgama 52:5

Ohomorihi vị ana vaa sị wụụ hụụnị ajẹngụ awụ dị ọ mẹ ka awụ ọ̀ ta ịnị ẹhẹ pàá.

1 Ịsamụwẹrị 26:10

Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.

Ahẹ Ụgama 7:16

Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ; ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.

Ahẹ Ụgama 34:21

Ịsa odivi ọnị ọza odivi aa mẹ ọ vaa wụ̀ ọ nị Aza ana ka ẹnị vị ọnịvị aza ana aa mẹ̀ ịsa ana vọrọ vị oni Ohomorihi vaa jị ịvịị yị.

Ahẹ Ụgama 79:12

Ẹnẹyịmavara, wê re anokokooro ayị màa sị wụụ mẹ ịyẹyẹ. Navọ wa vavọọ si wa atọ ịrẹyị ọnọọ oze ịhịmba.

Ụhịrẹyị 6:15

avọọ, odivi vị ana sụ wa avaavo, dị ẹ yị zụ ha.

Ụhịrẹyị 24:22

Asigiri ọ zụ tu wa obonobono. Ẹnẹ yẹ ẹngụ asigiri ọnị Ohomorihi a vị ohinọyị vaa kụ́ tu wa.

Ijeremaya 8:4

Ẹnẹyịmavara ộ kà a yị Ijeremaya ka ọ̀ kà a yị aza anị ka, aanị ka ọza ọọ hị́ ẹdụ ẹ ma varẹma kwẹẹtẹ? Aanị ka ọza oo nyeeyi, ẹ ma vavẹ eehi?

Ijeremaya 18:17

Ẹnẹyịmavara kà ọnị vaa gara aza anị eyi ọnịvị ẹnịnị, anka ahị anaa tụ́ hụrị eyi ọnị ọyị zịị hụrẹẹ vẹ mẹẹ kụ́ edudu avọọ. Ọ kà ịhị ẹngụkata odivi oo tu wa, ọnị vana varẹma kà wa.

Oyinyima 19:35

Ịzẹyịza, ịrahụ ịhị ọnọọ, dị ẹ rẹ kà ada ẹnịnị eche nị. Dị ana vi ozweyi kwẹẹtẹ dị ọnịrị ada anị na sụ nị. Ada anị ọ yị yẹ ụmẹ ọnị ọ sị vẹ, ọ yị rẹ yẹ ụmẹ ọnị ọ sị kwẹẹtẹ.

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Ụhịrẹyị 13:21

Odivi oō du ọza ọhịmị echi nị ama ọnịzẹyịza vị eneē re ọyịza.

Ezikẹẹrị 7:5

Ẹnẹyịmavara Ohomorihi ka, ẹwụ nịnị Anisirẹrị, ẹngụkata ẹnyị aa tụra ọsaa a wụ nịnịị vẹ.