1 Asị ụ va ụva ebira aza edivi, dị asị u re beri wa zị ògù
Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.
Asị ụ kụ ụhị ọza anaā mẹ̀ ezigi. Asị ụ hama a mẹ̀ ebira ana a mẹ̀.
Asị ẹhẹ aza ọhịmị vá wụ, ama wee hí angwa Ẹnẹyịmavara ịnị ụmẹ tụra ụmẹ.
Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.
Ịjị mi re ẹhẹ aza ana aa mẹ̀ ebira odivi mee zoza, dị ẹ yaa mẹ eyi tụ ọ ộ va mị; ẹmị rẹ ka àa yẹ ahịka ẹma vavọọ yà nị.
Asị ụ na hụ agụvị aza edivi ana aa mẹ̀ ebira ẹnẹ ẹ̀ yị vọrọ, dị waa kụ́ ayị Asị a nyị ịsị ẹ mẹ̀ ka wa na vụva ka wa nyị ogu ẹnị ẹ nyị.
Asị ịrẹyị aza ọhịmị kata wụ ẹngụ. Asị ụ kụ ịhị ebira odivi ẹnịnị.
Aarịhịnị, navọ asị ụ wụ ẹmịrị aza edivi vabẹ Navọ asị ụ wụ mi beri aza ana aā wụ̀ ọza.
Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.
Asị ụ hama aza anaā mẹ̀ ebira odivi, asị ẹwụrị wa zị ụsẹ vabẹ.
Asị ụ hama wa, asị ụ saasa wa, sị oze ẹnịnị tịtẹ yị wa.
