Biblia Todo Logo
Bib sou entènèt

- Piblisite -




Ụhịrẹyị 23:28 - IWE ỌNỊNỊ

28 Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.

Gade chapit la Kopi




Ụhịrẹyị 23:28
15 Referans Kwoze  

Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.


Wèe re ịzẹnị, u re e ịzị ọsọọ, avaba aha ọ̀ yaa be ọnọrụ nị.


Asị ị rẹ na sẹ̀ ịrẹka anka ẹnyị ịnị ẹnịnị! Ẹ mẹ̀ sẹ̀ ịrẹka, ộ mẹ̀ ka aza ẹnị akahị-akahị oze ohurẹẹta (23,000) è sú ịnị ẹkụhị ọnya gene-gene.


Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.


Ọsẹrẹka vị ana sị mẹ anka ịrẹpa ana a và zị uye avọọ. Ọza ọnị Ẹnẹyịmavara sị va ịrẹma anị ịrẹpa ọsẹrẹka za nị.


Ẹnẹyịmavara kà, kana eyi tụ ẹba dị we ré ịrẹsụ ataba nịnị. Ịzị ẹ vọ ọnị wẹ yị ya sẹ̀ ịrẹka nịnị da? Ụtọ oze vị ọnị ụụ yaatụ zi onyeehi nịnị anka Anaaravụ enee zi ọza ịnị ụnọmị avọọ. Wa raa sẹ̀ ịrẹka ọyị sẹ awụ nịnị du ẹkụra va hi ẹtẹ.


Ama anọrụ ana ngụ ọ ụvọ ẹ yị yẹ́ ka aza ana vịdị na ịzọọ vị ene su. Aza ana vịdị ngụ irehi anị aa sụ̀ aara ịdị aneku.


Ụmẹ ọnị Anisirẹrị nịnị sị ya Isitimi, dị anọrụ ẹnịnị nyima ee pe anyẹnẹẹ Animowabi nịnị sụ̀ nị.


Ọnọrụ ọ hyakụ nyẹngụ sị apapa sị ọsẹrẹka, ama ịbẹhị vị anaā va ọnọrụ hu.


Ọnẹẹ ọnọọ vị ana aa yịị kụ́ ịrẹka hi Ijosẹẹhụ ẹngụ eyinị-eyinị, ama Ijosẹẹhụ ọ yị dọ ka ọnịrị ọ ọ̀ sụ. Ọ yị hyakụ dọ ka ọnị ọ̀ gụrị ọ.


Dị ọnẹẹ ọnọọ kụ́ ẹnya anka ọsẹrẹka na gẹrị ọ nị. Dị a mẹ̀ ọbọ ọnị aa sị vene ọmụha ọnọọ nị.


Swiv nou:

Piblisite


Piblisite