Ụhịrẹyị 23:23 - IWE ỌNỊNỊ

²³ Asị ụ zẹ ka ịzẹyịza ọnịrị ịrẹyọyẹ ọ jị ụ ha, sị ụvọ za ịrẹyị ana a sị zụ wụ, dị eyi awụ o hweyi.

Ụhịrẹyị 23:23 Referans Kwoze

Ụhịrẹyị 18:15

Aza ana yẹ ịrẹyị vị eneē sì ka ẹnị ẹ̀ẹ wụ́ ịrẹyị ịrẹyọyẹ dị ẹnị ẹ̀ẹ kọsẹ.

Imatiwu 13:44

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka ịsa akàaka anaa sị tẹ ịnị aarẹ. Â nyị ọza ẹnẹsa ene ne re e, dị ọ wụsẹ sị ịsa kú ọ nị. Ịnẹ anị ô hine pooro, dị ọ na, dị ọ na ná avaba ịsa ọnọọ nyị, dị ọ sị va hị́ ẹtẹ ọnọọ nị.”

Ahẹ Ụgama 119:72

Ọda ọnị ụ mẹ ộ ngụ mị eyi huna igooru ọnịrị ẹkẹhị akàaka a ka.

Ụhịrẹyị 16:16

Ọza ọ nyị ịrẹyọyẹ o zoza huni ka ọza ọ nyị ẹkẹhị nị.

Anihiburu 11:26

Ô ro ka ọza òo sị eyi wụ̀ ọza agụvị Ikirisiti, ọ́ọ nyị ụbanyị huna avaba ụbanyị ene hi Ijipiti, agụvị ka Imosiisi ọ́ọ sị eyi tụ́ ịnị ọgụ ana aa vẹ ị́rẹma.

Ayịsaya 55:1

Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị.

Ụhịrẹyị 10:1

Ẹsẹnị ẹ vị ụhịrẹyị ọnị Isoromọnị che nị: Ezi ana yẹ ịrẹyị vị anaā mẹ ayị ada ẹnịnị hine ama ọnụra vi eneē du ọnyị ẹnịnị ayị

Ahẹ Ụgama 119:127

Wâ yẹ ka mê sì ịrẹyị ọda awụ ẹtẹẹtẹrẹ. Mê sì ọ huna igooru obooro ana vị akàaka.

Ẹtore 3:18

Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Imatiwu 13:46

O mè ve re ana katarihi ẹnẹmẹhị, dị ọ na ná avaba ịsa ọnị ọ nyị, dị ọ sị va hị́ ọ nị.”

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Odeyi 20:23

Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi.

Ụhịrẹyị 9:8

Asị ụ tụ́ ọza anaā sịị ẹngụ tụ ẹba ohuvọ agụvị asị ọ nyị ịhyẹrẹ awụ. Ama waa tụ́ ọnịrẹyọyẹ ohuvọ dị ọ sị ịrẹsụ nẹtẹ yị wụ.