Ụhịrẹyị 22:29 - IWE ỌNỊNỊ

²⁹ Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Ụhịrẹyị 22:29 Referans Kwoze

1 Ohinọyị 11:28

Isoromọnị ô re e ka Ijerobowami ọ zụ mẹ̀ ụkọrọ, dị ọ sị ọ ka ò si eyi pe aneehi Ijosẹẹhụ ana aa kụ́ naa mẹ̀ ụkọrọ nị.

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Ụhịrẹyị 12:24

Ọza anaā sịị ụvọta anị mẹ̀ ịsa vị anaā mẹ̀ ohi ama onuworo vị anaā vị ọrịhị ọza.

Ụhịrẹyị 10:4

Uworo vị ana a sị ọza re osiye ama ọza ana aa sị ụvọ anị mẹ vị ana aā nyị rị ụvọ.

Imatiwu 25:23

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị rẹ vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Oyinyima 41:46

Ijosẹẹhụ vị ịrayị ohurẹẹwụ di o nyima ee pè ohinọyị Anijipiti mẹ̀ ụkọrọ. Di Ijosẹẹhụ hụụ ịda Ihwarawo, di o ne chire avaba ẹtẹ Ijipiti ahụ nị.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

1 Ohinọyị 10:8

Ese ewu ẹnịrị ezi ahụ awụ ệ dà jẹ kẹnẹ! Dị ẹnịnị maanị hi ịda awụ pooro, dị ẹ maanị aa wụ́ ịrẹyọyẹ awụ.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

Oyinyima 47:6

Ọ kà Ẹtẹ Ijipiti ọ nya ẹtẹ ha aanị nị, ẹ̀ sị ịzị èe zoza hu keekere yị ada anị ọnịrị ẹnẹbẹnị anị dị ẹ ra ịnị anị. Dị ọ ka ọ̀ kà a ka ẹ̀ na ra Ígoseni. Àa nyị ọza oni o re ịnị ẹngụ ẹnịnị ana zụ mẹ̀ ụkọrọ, dị ọ kà a yị wa ka è pè ọnị si eyi pè ịsụpa anị.”

1 Ịsamụwẹrị 16:21

Ịjị Idevidi tù ịda Ịsọọrụ, dị ọ yà ịda anị nị. Ịsọọrụ ô sì ịrẹyị Idevidi ẹtẹẹtẹrẹ dị ahịka ọnị ọ kụkụ aa za ẹnya ịrẹkụ anịị gụ ọ nị.

Ụhịrẹyị 23:1

Ẹwụrị ọza ọbanyị aa rị ịsa, yẹ ụ mẹmẹ a rị ịsa o.

Oyinyima 41:38

Di Ihwarawo hị́ ezi ahụ anị dị ọ ka, “Ẹnị ẹẹ kụkụ zụ maanị re ọza ẹnẹsa ana maanị nyị ịrẹyọyẹ Ohomorihi.”

1 Ịsamụwẹrị 17:31

Aza ệ wụ́ ịrẹyị ọnị Idevidi aa kà, dị ẹ na kà a yị Ịsọọrụ, dị Ịsọọrụ ka à na hị́ Idevidi vẹ nị.

2 Ịsamụwẹrị 2:32

Di Ijowabi ọnịrị aza anị sị oku Asahẹrị di e ne ne e tụ́ ini ikuta ada anị ana yà Ịbẹtịrẹhẹmị nị. Di Ijowabi ọnịrị aza anị sị avaba ịrahụ zị ụsẹ dị ahịka ẹnẹnẹ eyinẹhẹ anị ẹ va ngụ Ihebirọnị nị.

1 Ịtọpa 4:23

Aza ẹnẹnị vị ọjụnọkọ, dị ẹ ra Inetayimi ọnịrị Igedera nị. Ẹnịnị vị ana aa mẹ̀ ụkọrọ yị Ohinọyị.

Ịdanịyẹrị 1:4

Ọ kà ọ̀ tọ̀ọ ezwọọmụha ene zoza, dị ẹ kata, ọnị ịsa ẹ yị zị. Ẹnịnị ẹ̀ vị aza ana yẹ ịrẹyị, dị ẹ rẹ yẹ ịsa, ana va zụụ mẹ ụkọrọọ yị ọnị. Dị ọ ka à kọ wa ẹkụra Anibabironi dị ẹ rẹ zụ chẹrẹ ẹ nị.

Ịdanịyẹrị 1:19

Ohinọyị mè pe wa ka ịrẹyị, ô re ka ịnị avaba ẹnịnị ẹ yị nyị ọza ana da ọgụ gụrị Ịdanịyẹrị, Ịhananịya, Imisẹrị ọnịrị Azarịya. Agụvị avọọ dị ohinọyị nyị wa ka ẹ̀ ya ịnị aza anaa mẹ̀ ụkọrọ ini ikootu anị nị.