Ụhịrẹyị 22:23 - IWE ỌNỊNỊ

²³ Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.

Ụhịrẹyị 22:23 Referans Kwoze

Ahẹ Ụgama 140:12

Ẹnẹyịmavara, mâ yẹ ka ụ vaa dọ ịrazị onosiye ọnịrị oniruwa nịnịị zị.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ụhịrẹyị 23:11

Ẹnẹyịmavara ọ vị ọnụkata anaa vụ̀ ịrẹvụ ẹnịnị nị. Ọ vaa jẹẹ yị wa.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

1 Ịsamụwẹrị 25:39

Idevidi ộ wụ ka Ịnabarị ô wusu. Dị ọ ka, “Ẹnẹyịmavara, avọ. Wa raà sị zụ̀ ka ẹ yị nyị m mẹ̀ mẹ Ịnabarị dị ọ vavọọ mẹ̀ ụhị nyị mị. Wẹ rẹ vaa zẹẹ ka ma mẹ ịrẹyị odivi. Ịsa odivi ọnị Ịnabarị mẹ ọ raà chị kú ọ ịrẹsụ.” Di Idevidi tụ́ hi Abigẹrị ka ọnị aa nyị ọ nị.

Ahẹ Ụgama 35:10

Dị mị kụkụ aa kà a zị ka ẹ yị ọnya ọza ana vị ẹngụ ẹwụ Ẹnẹyịmavara Ẹwaā dọ oniruwa hụụnị ụvọ aza ene huna a nị, dị ụ dọ ọ tụ́ hụụnị ụvọ ọza ana aa mẹ ẹchakaa yọ.

Ahẹ Ụgama 43:1

Ohomorihi navọ wa sị zụ̀ ka mẹ yị rị ịvị Navọ wa dọ irenu amị kụ́ agụvị ka aza edivi ẹ sị dà pè mi Navọ wa dọ mị tụ́ hụụnị ụvọ aza edivi ẹnẹẹ ene ee cheeche.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

Ijeremaya 50:34

Ama ọza ana vaa dọ waa ha, ọọ kata Ẹnẹyịmavara Ochẹtẹẹngụ ịrẹha anị rị nị. Ọnị ụvọta vaa hụvị ịrẹyị ẹnịnịị kwẹẹtẹ, dị ọ mẹ ka avaba anẹhẹ ẹ̀ nyị ẹngwọọrọ. Ama ọ vaa kụ ẹngụkataa tu Anibabironi nịnị.

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ahẹ Ụgama 68:5

Ohomorihi ọ vị ada aza ẹnẹ ẹ̀ yị nyị ada nị, ọnị ọ rẹ ẹ̀ yị mā zẹẹ ka à chamayị yị ozi oku nịnị nị. Ọnị ọ vị Ohomorihi ana ra ini irehi anị ẹbẹẹba nị.

Ahẹ Ụgama 35:1

Ẹnẹyịmavara, navọ wa kụ́ ọ tụ̀ aza ana kụ́ ọ tù mị Aza ene ee pè mii kụ̀ ịrẹkụ aanị, navọ we pè wa kụ̀ ịrẹkụ.

1 Ịsamụwẹrị 24:12

Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

Ọyịkụra 22:22

Asị ụ mẹ osoku ọnịrị ozi oku rị nịnị.

Ọyịkụra 22:23

Wàa mẹ wa rị di e nowu va za mị nị, mị vaa ba wa owu.

Ahẹ Ụgama 12:6

Ẹnẹyịmavara ọ̀ọ kà ka ọnị vaa mẹ ịrẹyị ịrẹyị anị vị a naa gẹẹ. Vị ọ sị mẹẹ anka igooru ana a raà sị ịra tenyi ẹtẹẹtẹrẹ avọọ nị, kụkụ nyị evene ịnị anị.

Ahẹ Ụgama 103:6

Ẹnẹyịmavara ọ ma mẹ eyida, ọọ̄ mẹ̀ ịsa ana vọrọọ yị aza ana aza aa mẹ ehunaa yị.

Ahẹ Ụgama 140:13

Mâ yẹ ka aza ana aa mẹ̀ ịsa ana vọrọ vị ana vaa kụ́ wụ avọ, dị ẹ ra ịda awụ.

Ụhịrẹyị 21:7

Aza ọhịmị ẹ yị dọ ka ẹnị ẹ mẹ̀ ịsa ọyịza. Ẹẹ̄ kụ́ ẹngụkata tu aza pooro nị, ebira odivi ẹnịnị ọ vaa wụ̀ wa nị.

Ijeremaya 30:16

Ama booro aanị, avaba aza ana va gara ụ nịnị ha vị ana a vaa garaa ha; avaba ọnịvị awụ nịnị vị ana a vaa za ọrịhị nee hi ẹkụra ọsa. Avaba aza ana sị ụya rị ụ nịnị vị ana a vaa sị ụyaa rị. Aza ana kụ ẹnya awụ nịnị vị ana a vaa kụ ẹnya ẹnịnị.