Ụhịrẹyị 22:11 - IWE ỌNỊNỊ

¹¹ Ọza ene sì ịzẹyịza, dị ọ yara kà ịrẹyị ọ vaa vị ọta ohinọyị nị.

Ụhịrẹyị 22:11 Referans Kwoze

Imatiwu 5:8

Aza ana ayị ẹnịnị nị vaa daa jẹ, agụvị ka e vee re Ohomorihi.

Ụhịrẹyị 16:13

Ohinọyị vị eneē sì ịrẹyị ọza anaā ka ịzẹyịza. Ayị anị vị eneē hine tu ẹngụ ọza ọnọọ.

Ụhịrẹyị 14:35

Ayị ohinọyị vị ene hine tu ọza anaa mẹ ẹtẹẹrẹ, ama vị ọọ sị ụya rị ọza anaa mẹ̀ẹ ụhị nyị ọ nị.

Ahẹ Ụgama 101:6

Aza ana àa mẹ ịzẹyịza ịnị ẹtẹ ọnọọ vị ọnị mị vaa jị ụvọọ yị. Ẹnị ẹnẹẹ ẹnẹ ẹ̀ yị mā mẹ̀ ebira akụvị ẹ vaa yà ịda amị dị ẹ yaa zị mị ụtụ nị.

Ahẹ Ụgama 45:2

Taarụ, ịnị avaba ọnọrụ, ẹ yị nyị ọza ẹnị ẹwụrịị aa mẹ ọpa ini uzoza Avọọ Ohomorihi mẹ̀ rẹ sị ụkata wụ ka wa yara kà ịrẹyị nị dị aa mẹ ka òo zee wụ pooro nị.

Iruuku 4:22

Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ. Dị ẹ ka, “Aanịka ẹ yị vị ozi Ijosẹẹhụ ọnọọ yị?”

Ịdanịyẹrị 3:30

Ịrẹma ọsọnị dị ohinọyị ka udi Isediraki, Imesaki ọnịrị Abedinego hịrẹ ịnị ẹtẹ Ịbabịrọnị nị.

Ẹsịta 10:3

Imodekaya ana vị Aniju ọ si irenu tụra Ahasẹrọsị ohinọyị nị. Anda ẹnịnị Aniju ệ sị ụbanyị yọ, dị ẹ sì ịrẹyị anị ẹtẹẹtẹrẹ nị. Ộ dụ ka ò zoza yị Aniju aza anị, dị ẹngwọọrọ ọ vị avaba ezi ịrẹma ẹnịnị nị.

Ahẹ Ụgama 24:4

Ẹngụ aza ana zụ nọ ini irehi Ohomorihi ẹ vị aza ẹnẹ yị ma mẹ̀ ebira odivi, di è yi mē re ro ịrẹyị odivi nị. Ẹnịnị ẹ mā rẹ hẹkẹ ori, ẹ mā rẹ hị́ eku ireche.

Ụhịrẹyị 22:12

Ẹnẹyịmavara vị eneē sere ọza anaa mẹ ịzẹyịza ama enevene nịnị vị ọnị ọọ̄ mẹ̀ ụhị nyị.

Ịrẹyị Ọzwọzịsa 10:12

Ịrẹyị irenu ọza ana yẹ ịrẹyị vị anaā mẹ ka à sị ụbanyị yọ, ama ọnụra vị anaā sịị irenu anị kụ ẹngụkataa tu ẹngụ anị.

1 Ohinọyị 4:5

Azariyahụ ozi Inatanị ọnị vị ọga Ịgọvọnọ ẹkụra eweyi-eweyi. Ohirẹsụ ịrẹsụ irehi Ohomorihi ana aā hị́ Izabudi ana vi ozi Inatanị ọnị vị ọta ohinọyị.