23 Wàa sị irenu awụ kwoku, wẹ yị vaa ngụ ịrẹyị.
Ọza ana sị ụvọ za irenu anị vi ene sere ẹhẹ anị ama ọza anaa kà kẹnẹ-kẹnẹ vị enee vu ẹngụ anị ẹtẹ.
Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.
Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.
Ịrẹyị irenu aza ọhịmị ọọ va ịrẹpa zi wa nị, ọnịzẹyịza vị ana a ha hụụnị akanya.
Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.
Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.
Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.
