Ụhịrẹyị 21:10 - IWE ỌNỊNỊ

¹⁰ Aza ọhịmị vị ọnị odivi ọyịmẹ̀ hụ ẹngụ. Ẹ yị ma vayị ọza vụrụ-vụrụ.

Ụhịrẹyị 21:10 Referans Kwoze

1 Ịjọọnụ 2:16

Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.

Ụhịrẹyị 3:29

Asị ụ mẹ̀ eto odivi ana vaa kụ ẹngụkata tu ọnọhụva awụ ana sị ayị tụra wụ ọnị ẹwụrị ọ ra vabẹ.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

1 Anịkọrịntị 10:6

Avaba ẹnẹẹ vị ana aa kà yị ọnọ ka asị i ne sì ka yaa mẹ̀ ịsa odivi, anka aza ẹnẹẹ mẹ̀ẹ̄ mẹ.

Ụhịrẹyị 21:13

Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ụhịrẹyị 12:12

Eyi aza ọhịmị ọ yị jị vee hụụnị ogu odivi ama Ohomorihi vị ana a mẹ̀ oze yị ọza ọyịza ka ọ zụ nyị rị ụvọ.

Ahẹ Ụgama 112:9

Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

Ahẹ Ụgama 112:5

Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

Ahẹ Ụgama 36:4

Ọ̀ọ na hụtụ, di ee ro ịrẹyị odivi ọnị ọ vaa mẹ Ebira odivi kẹnẹ ọ dọ ọda anị nị, ọ yị yara yi ka ọnị ọ yị mẹ̀ ebira odivi.

Ụhịrẹyị 2:14

Ebira odivi ve eneē hine wa, dị ẹ yaa jẹ ịnị udivi ẹnịnị.

Ụhịrẹyị 14:21

Ịvị ọ vị ka ọza ọ sị eyi wụ ọnọhụva anị ama ọza ana tẹsị onosiye vị ọnị o vee zee yị.

Ụhịrẹyị 21:9

Ọza o si oboka ọnya kara tụ́ ọ mẹ hu ka ọnịrị ọnyẹnẹẹ ọnịrẹyị ẹ raa ịnị eehi ọnyara nị.