Ụhịrẹyị 20:9 - IWE ỌNỊNỊ

⁹ Áá nyị ọza ana zụ sị ụvọ nya ịrachị ka ayị anị ọ nị saka-saka? Ẹnẹ zụ kà a ka ọnị ẹ yị nyị ebira odivi ọnyọọnyị?

Ụhịrẹyị 20:9 Referans Kwoze

Ịrẹyị Ọzwọzịsa 7:20

Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

1 Ohinọyị 8:46

“Aza awụ ẹ zụ na mẹ̀ ebira odivi hi wụ. Wâ yẹ ka ẹ yị nyị ọza ẹnẹ ẹ̀ yị mā mẹ̀ ebira odivi. Ẹ nyẹngụ vavọọ mẹ̀ ebira odivi dị ụ kụ́ ayị hi wa, dị ụ sị wa chire ọnịvị ẹnịnị ụvọ, dị ọnịvị ẹnịnị ẹnẹẹ kụ́ wa ọrịhị nọ ẹkụra ẹnịnị. Ịzị a vavọọ kụ́ wa nọ o zụ noze, ọ rẹ zụ gụrị ẹtẹ.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1 Anịkọrịntị 4:4

Ẹ yị nyị ịsa odivi ọnị mị sị eyi jị ka máa mẹ, ama ọnọọ ọyị sị zụ̀ ka mẹyị rị ịvị, oo. Ananyị yị aa mẹ̀ ọkarẹyị amị nị.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ahẹ Ụgama 51:5

A mẹ̀ hụrẹ ma mị, mị hụrẹ vị ọnịvị nị Ọnyị amị mẹ̀ hụrẹ ee zyẹẹ amị kẹnẹ mị hụrẹ vọ ọnịvị nị.

2 Ịtọpa 6:36

Aza awụ ẹ̀ẹ rị ịvị awụ, agụvị ka ẹ yị nyị ọza ẹnẹ ẹ yị ma mẹ̀ ịvị. Wàa kụ́ ayị hi wa, dị ụ hụrẹ wa ụvọ yị ọnịvị ẹnịnị ka ẹ za wa ọrịhị nọ ẹkụra ọsa, ọ̀ọ daka vị ẹkụra ene noze.

Aniroomi 3:9

Ẹyị Aniju yọ, yáá dahi hu aza ẹnẹ ẹ̀yị vị Aniju? Vụrụ-vụrụ, yẹ yị dahi hu wa ikonya! Máa vịdị raà sị zụ̀ ka ẹyịrị wa vị ọnị ụvọ ịvị kara tịtẹ.