Ụhịrẹyị 20:13 - IWE ỌNỊNỊ

¹³ Ọza anaā sịị avaba ụmẹẹ sụ ara vị enee re osiye, ọza anaā mẹ̀ ịsa ọọ̄ rịị vọ ku nị.

Ụhịrẹyị 20:13 Referans Kwoze

Ụhịrẹyị 19:15

Onuworo vị ana sụ ara pooro, ọza ẹnẹ nyị ana a mẹ̀ vị ọnị ụngwẹ kụ.

Aniroomi 12:11

Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.

Ụhịrẹyị 12:11

Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ụhịrẹyị 10:4

Uworo vị ana a sị ọza re osiye ama ọza ana aa sị ụvọ anị mẹ vị ana aā nyị rị ụvọ.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

2 Anịtẹsaronika 3:10

Ị mẹ̀ yà ịdị awụ nịnị, yáa vịdị mẹ ọda ọnọnịị wụ nịnị ka ọza ẹnẹ ẹ̀ yị mẹ̀ ụkọrọ, asị ọ rẹ rị ịsa.

Aniroomi 13:11

Wa vavọọ mẹ nịnị, agụvị ka wâ yẹ ụmẹ ọnị ị yà nịnị booro aanị! O si tù ka wa ha ara nịnị! Ụmẹ oni Ohomorihi vaa sị dọ yịị há, ọ kụkụ gụrị ẹtẹ hu ụmẹ ọnị ị hụrẹ sị sị ayị tụra Ohomorihi nị.

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Ijona 1:6

Ohirẹsụ anụkọrọ ẹpa ọnọọ ô nee tù Ijona ịzọọ, dị ọ hā a kwẹẹtẹ nị. Dị ọ ka, ọ̀ mẹmẹ nyẹngụ maanị aa sụ̀ ara isu? Dị ọ ka ọ kwẹẹtẹ dị ọnị ọ rẹ hị́ ori ịrẹsụ anị ka ọ̀ va gụ ẹnị ụvọ nị. Dị ohirẹsụ ẹpa ọnọọ kà, ẹnẹ yẹ, ẹyịyara ọ vaa vayị ẹnịnị, dị ọ dọ ẹnị ha hụụnị ụvọ opomi ọnọnị.

1 Anịkọrịntị 15:34

Varẹma waa mẹ ịzẹyịza nịnị, asị ụ rẹ̀ mẹ̀ ebira odivi nịnị! Aza ẹnyị ẹ yị yẹ Ohomorihi vụrụ-vụrụ. M maanị aa kà a, vị ụhị ọ̀ nyị wụ nịnị.

Ụhịrẹyị 20:14

Ọza anaa hị́ ịsa vị anaā jị ọza anaa na ụra òo si hu dị a gá ẹngụ anị ka ọnị ọ yara hị́ ịsa.

Ụhịrẹyị 28:19

Ọgẹrẹva ana ha ẹngụ ta kụ ụrụkụ vị anaā rị ịsa vọọ ku, ama ọza anaā nyị uworo vị ọnị iruwa zá.

Ụhịrẹyị 31:15

Ụmẹ etumeyọnị ọọ̄ sị kwẹẹtẹ mẹ̀ ịsa yị aza anị, dị ọ ka yị ezi ahụ anị ịsị a vọrọ ka ẹ mẹ̀ nị.