Ụhịrẹyị 20:12 - IWE ỌNỊNỊ

¹² Ẹnẹyịmavara ọ mẹ eyi yị ka ye sii re ẹtẹ, dị ọ rẹ mẹ ụtọ yị ka ya sịị wụ́ ịrẹyị nị.

Ụhịrẹyị 20:12 Referans Kwoze

Ahẹ Ụgama 94:9

Wéé zụ ro ka ọza ana mẹ ụtọ yị aza ọnị ọ yị vaa wụ́ ịrẹyị? À vi u ro ka ọza ana mẹ eyi yi aza o yi vee re ẹtẹ nị?

Ahẹ Ụgama 119:18

Navọ wa há mi eyi, di me zuu re ịrẹyị ẹbanyị-ẹbanyị ene hi ịnị ọda ọnị ụ mẹ.

Ọyịkụra 4:11

Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara?

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Ụhịrẹyị 25:12

Ịrẹyị ọnị ọyẹrẹyị ka yị ọza ana nyị ụtọ sị mẹ anka àa sị ọmọ mẹ ọza ẹyịza.

Ayịsaya 29:18

Ịnị ụmẹ ọnọọ, ogutọ nịnị vaa wụ́ ịrẹyị ana a chẹrẹ tụ́ ini iwe ọnọọ àa kà a. Ogweyi nịnị ana vịdị yà ịnị ịrahụ vaa há eyi di ee re ẹtẹ.

1 Anịkọrịntị 12:17

Avaba ẹngụ ọza ọ̀ọ vị eyi, sị a kụkụ aa sịị wụ́ ịrẹyị? Avaba ẹngụ ọza ọ̀ọ rẹ va vị ụtọ, sị a kụkụ aa sịị wụ́ agụ?