Ụhịrẹyị 20:1 - IWE ỌNỊNỊ

¹ Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ụhịrẹyị 20:1 Referans Kwoze

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ụhịrẹyị 31:4

Dị ộ ka, ẹ yị zoza ka ohinọyị nịnị e hu eche dị ọ̀ọ mẹrị wa dị ọ vaa sị vị eche ọkatẹngụ bẹẹ.

1 Anịkọrịntị 6:10

beri oyi nịnị ọnịrị eneyọhụrẹ beri ohweche ahaahara nịnị ọnịrị aza eneē du ọza ịrẹsụ beri aza anaā sịị ụkataa dọ ọza ịsa, ẹ yị vaa ngụ ịzị Ohomorihi yà aa mẹ ịjọva.

Anigaratiya 5:21

dị ẹyaa kụ̀ ụhị, dị eyee hú eche dị aa mẹrị wa; dị ẹ rẹ yaa rị eche pooro kẹnẹ; dị ẹ rẹ yaa mẹ ẹngụ ịsa ẹnẹẹ ana vọ. Maa kà a wụ nịnị booro aanị, anka m mẹ̀ rẹ vịdị kà a wụ nịnị, ka aza ana àa mẹ ẹngụ ịsa ẹnẹẹ, ẹyị va ngụ ịzị Ohomorihi yà aa mẹ ịjọva.

2 Ịsamụwẹrị 11:13

Di Idevidi hị́ ọ dị ọnịrị ọ rị ịsa, di e hí eche nị. Idevidi ộ mẹ̀ ka Uriya ò hú eche dị ọ̀ọ mẹrị ọ. Oruva di Uriya rẹ na sụ́ ịnị ụvẹnẹ anị beri ezi ahụ ohinọyị nị. Ọ yị nọ ini eehi anị na sụ.

Ayịsaya 56:12

Ẹnịnị vị ohweche. Ẹ̀ẹ sị ẹngụ hị́ dị ẹ ka, ‘Vẹ, vị ya na hị́ eche nịnị; vẹ ye hú ọpa eche ọnị yèe zụ hú nịnị, ụhwọọ o vee zozaa hu ajịnị nị.’ ”

Ayịsaya 5:22

Wa sị dà nịnị, ẹwụ ene hú eche pooro dị ụ sị jị ọga tụ́ ọ nịnị. Wâ yẹ ịsa a vọrọ ka wa sị và hura eche nịnị.

Ihoseya 7:5

Ịnị ụmẹ ana aa nyị ohinọyị, ọdọvịdị nịnị vị eneē hu eche dị aa mẹrị wa, dị ohinọyị saasa aza ana sị ọ mẹ̀ enyinyii hu eche.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

Ireevi 10:9

À sị ọnịrị ezi anị ngụ ịnị ajẹngụ ọnị Ẹnẹyịmavara ẹnịnị èe si eche hú o, ọ ka ẹnịnị ẹ̀ẹ vavọọ mẹ, vị́ eyee sú nị. Aanị avaba evere awụ nịnị mẹ saasa ọda ọnọnị pooro nị.

Ụhịrẹyị 23:20

Asị ụ zị ògù ohweche nịnị ọnịrị ọnọhọha nịnị.

Ihabaku 2:5

Ogu ẹhẹ ọnọnị vị eneē vene ọza. Ịsa ọ yị mā hụụ aza ana si ẹngụ tụ́ ẹba. Ọza anaā ha ọhọha sị mẹ anka uswọọza avọọ nị. Ẹtẹ anaā rị ọza ịnẹ ọ yị mā ha. Avọọ Anibabironi mẹ ha irenu aa za ẹkụra ana vọ mụnẹ nị.

Ayịsaya 5:11

Wa sị da nịnị, ẹwụ nịnị ana aa kwẹẹtẹ ẹnẹnẹ viri-viri di wee hú echee zị nịnị. Avọọ u mè vee hú eche ọnọọ pooro huu na ngụ ịrahụ, dị ọ kụkụ aa mẹrị wụ nịnị nị.