Ụhịrẹyị 2:2 - IWE ỌNỊNỊ

² Sị ụtọ pe ịrẹyọyẹ, dị wa yẹ ịrẹyị.

Ụhịrẹyị 2:2 Referans Kwoze

Ụhịrẹyị 23:12

Sị ayị tụ ịrẹyị ana aa ka yị wụ, dị ụ wa sị ụtọ pe ịrẹyị ịrẹyọyẹ ọnị waa wụ́.

Ụhịrẹyị 18:1

Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ.

Ahẹ Ụgama 90:12

Aarịhịnị navọ ya yaraa za ẹkụhị ẹhẹ ayị ịrịka, agụvị dị ya zụ yẹ ịrẹyị.

Imatiwu 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Ayịsaya 55:3

Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị.

Ịrẹyị Ọzwọzịsa 8:16

Ọzwọzịsa ka, ịjị ọnị ee si ka ọnị ọ̀ yẹ ịrẹyị, dị ọnị tangwa ee re avaba ịsị aa na ịnị ẹhẹ nị. Ọnị oo re ka ọza ọ zụ jị areyi ọọdụ ọnịrị ịrahụ,

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ịrẹyị Ọzwọzịsa 7:25

Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra.

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

Ụhịrẹyị 2:3

Họ̀ use ịrẹyọyẹ, dị ụ wa pa ka eyi awụ o hweyi.

Ụhịrẹyị 4:1

Ẹwụ nịnị ezi, wụ́ ịrẹyị ada awụ nịnị. Sị ụtọ pe ịrẹyị ẹnịnị agụvị wa yẹ ịrẹyị.

Ụhịrẹyị 4:20

Ozi emi, wụ́ ịrẹyị ana a ka yị wụ. Sị ụtọ pe ẹtẹ.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.