Ụhịrẹyị 2:13 - IWE ỌNỊNỊ

¹³ ene reè ne ịzẹyịza ta naa ra ẹhẹ odivi.

Ụhịrẹyị 2:13 Referans Kwoze

Ụhịrẹyị 4:19

Ẹhẹ aza edivi vị ana sị mẹ anka ịrahụ ruma-ruma avọọ. Ẹẹ̄ vangga jịnẹ ịsa ọnị ẹnịnị e yi re nị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

Ụhịrẹyị 21:16

Ọza ene yi ịzẹyịza tịtẹ vị ana gụrị usu.

2 Itimoti 4:10

Ịdẹmasị ọ raà sị ayị tụ́ ịnị ịsa ẹhẹ ọnọnị, o si zwe kà na yị mị, ọ zị nọ Ịtẹsaronika. Ikirisẹnsị ọnị ọ zị nọ Ịgaratịya, Ịtayịtọsị ọnị ọ rẹ zị nọ Idarimatiya.

Ịjọọnụ 12:35

Dị Ijeesu tụ́ ohi, dị ọ ka, “Etohweyi vaa yà ịnị akakana awụ nịnị yị ụmẹ chee. Waa zị ụsẹ nịnị ịnị ụmẹ ene ẹtohweyi sị yà ịdị awụ nịnị, ka ẹ̀ yị vị avọọ, ịrahụ va za wụ nịnị. Wâ yẹ ka ọza ana aa zị ụsẹ ịnị ịrahụ, ọ yị yẹ ịzị aa nọ.

Ịjọọnụ 1:6

 nyị ọnọrụ ọnya aanị, oni Ohomorihi tụ́ vẹ. Ịrẹha anị ọ rị Ịjọọnụ nị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Ezikẹẹrị 18:26

Ọza ọyịza ọ̀ọ hụụnị ebira ọyịza anị, dị o nyima aa mẹ udivi nị; òo su, agụvị ebira odivi anị ó sú avọọ nị.

Ahẹ Ụgama 82:5

Ẹwụ nịnị ana nyị ụkata, wáa yẹ ka wẹ yị yẹ ịrẹyị nịnị vụrụ-vụrụ? Ụkọrọ odivi kẹnẹ ụ waa mẹẹ zị nịnị, wa sị ẹhẹ và ịrẹsụ chi nịnị.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ahẹ Ụgama 14:3

Ama ô re ka avaba aza vi ene nyee eyi Avaba ẹnịnị vị ana aa mẹ̀ ebira odivi, nyị ọza ịnya ana aa mẹ̀ ebira ana vọrọ hyakụ maanị nyị ikonya.

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

Ayịsaya 59:8

Ẹnịnị ẹ yị yẹ oze ẹngwọọrọ, ẹ yị nyị ịzẹyịza. Ẹhẹ akụvị ẹ yaa mẹ nị; ẹ yị nyị ọza ana saasa ebira ẹnịnị ana a nyị ẹngwọọrọ.