Ụhịrẹyị 19:28 - IWE ỌNỊNỊ

²⁸ Ẹ yị nyị ọkarẹyị ịzẹyịza ịzị aza ya dọ ivenu ireche ọyị sị kụ ẹngụkata tu aza. Aza ọhịmị vene sì ịrẹyị ịsa odivi.

Ụhịrẹyị 19:28 Referans Kwoze

Ijoovu 15:16

Ẹnẹ va vị ẹyị ọza ana sị vụ dị ị sị du ha. Ẹyị anaa mẹ̀ ebira odivi pooro anka ọza mee hú enyi avọọ.

Ijoovu 34:7

Wáá maanị re ọza anka Ijoovu ọnọnị da? Ẹ yị sị ụbanyị yị Ohomorihi vụrụ-vụrụ.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Ụhịrẹyị 15:14

Ọza ana yẹ ịrẹyị vi ene sì ka ọnị ọ yẹ huu avọọ ama ọnụra vị anaa va ụva ụra.

Ahẹ Ụgama 10:11

Ama di e yee ro o ka Ohomorihi ọ yị vaa tamayị Ẹ ka Ohomorihi ọ yị hyakụ vee re ẹnị pooro.

Ahẹ Ụgama 10:5

Aza edivi nịnị ee re mẹ pooro kẹnẹ Ẹnịnị vị ana aa mẹ eyi, ẹ yị yẹ ka ụ vaa mẹ̀ ọkarẹyị yị ẹnị Èe re ọnịvị ẹnịnị di e yee wuu hi wa.

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

1 Ohinọyị 21:10

Dị ụ kụ́ aza kẹnẹ-kẹnẹ ẹẹva pè Ịnabọtị, dị aza ẹnẹẹ è cheeche kú ọ ka ộ kụ̀ Ohomorihi ọnịrị ohinọyị ụhụ nị. Di ụ sị ọ jịnẹ tụ́ ẹhẹ, di è ne e ịrẹta dị à wụ ọ.”

Ụhịrẹyị 19:27

Ozi emi, ụmẹ ọnị waa ka wẹ yị kụkụ wụ́ ịrẹyị ọza, ịrẹyọyẹ nyima aa hụrẹ wụ ụvọ avọọ nị.

1 Ohinọyị 16:27

Ịrẹyị Omiri ana vọ, ịsa ọnị ọ mẹ ọnịrị ọ mẹmẹ nyị ụkata, avaba anị vị ana a chẹrẹ tụ́ ini iwe ịsị ẹ mẹ ẹkụhị-ẹkụhị ini oze ohinọyị Anisirẹrị.

Ụhịrẹyị 16:27

Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị.