Ụhịrẹyị 19:20 - IWE ỌNỊNỊ

²⁰ Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ụhịrẹyị 19:20 Referans Kwoze

Ụhịrẹyị 12:15

Ọnụra vị ene ro ka ọnị yẹ ịrẹyị, ama ọnịrẹyọyẹ ọọ dọ ajuwe ọza nị.

Ụhịrẹyị 4:1

Ẹwụ nịnị ezi, wụ́ ịrẹyị ada awụ nịnị. Sị ụtọ pe ịrẹyị ẹnịnị agụvị wa yẹ ịrẹyị.

Ụhịrẹyị 1:8

Ozi emi, wụ́ ịrẹyị ada awụ, dị asị ụ si eyi wụ́ ịrẹyị ọnyị awụ.

Ịrịka 23:10

Ẹnịnị ẹ rụrụ anka ezi ịnị eteesu. Ẹnẹ zụ za wa ịrịka? Navọ ọnị o su usu ẹngwọọrọ ọnịrẹyịzẹyịza, dị ẹtaha anị ọ ya anka Anisirẹrị.

Ahẹ Ụgama 90:14

Navọ ẹnẹnẹ-ẹnẹnẹ yee re ka wê sì ịrẹyị ayị ịnị ịzẹyịza, dị ọnọọ ọ̀ há ọnọọ ọ̀ há yị ịnẹ. Ọnọọ vaa mẹ ka ayị ayị òo hine, dị yaa jị ahẹ pooro ịnị ẹhẹ ayị.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ahẹ Ụgama 90:12

Aarịhịnị navọ ya yaraa za ẹkụhị ẹhẹ ayị ịrịka, agụvị dị ya zụ yẹ ịrẹyị.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Iwe Ọhụhị Imosiisi ana aa hị́ Ọyịvatụrọda 32:29

Eyi ẹnịnị òo hweyi, ẹ yaanị yẹ ịsa aa gụ wa hyẹdụ. Ẹ yaanị ịsị ẹ vaa vị ọvavẹ ịrẹma.

Ụhịrẹyị 1:3

Ụhịrẹyị vị anaā sịị ọzaa nyị eyohweyi, dị ọ mẹ ka ọza ọ nyị ịzẹyịza, dị ọ mẹ ịsị ana vọrọ, dị ọ sị ayị ọnya mẹ̀ ịsa.

Ụhịrẹyị 8:14

Ịrẹyọyẹ ka, ọnị ọ yara pe ọza juwe dị ọnị re pe wa mẹ̀ ụkọrọ ẹnịnị. Ọnị ọ yẹ iruvo ịrẹyị, dị ọnị rẹ nyị ụkata nị.

Ụhịrẹyị 8:33

Sị ụtọ pe ịsị aa sị kọ wụ nịnị. Yẹ́ ịrẹyị nịnị, asị ụ sị eyi wụ ọ nịnị.

Ụhịrẹyị 19:19

Navọ ọnọyịha ọ̀ rị ụya anị, wẹ yị zẹ̀ẹ ka ọ̀ rị ụya anị, ụ vene tenyi ọ mẹ.

Ụhịrẹyị 1:2

Ụhịrẹyị ẹnẹnị vị anaā sịị ọzaa nyị ịrẹyọyẹ, dị ọ ha ọza eyi tu ịrẹyị, dị ọ rẹ mẹ ka ọza ọ yẹ ajuwe ana vị ọyịza nị.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ịzẹhwanaya 3:7

Ẹnẹyịmavara kà ọnị ô ro kà ịrẹyị ene tù wa aanị vaa zụ wa ịrẹyọyẹ, dị ẹ nyị angwahi anị, dị ẹ wụ́ ịrẹyị ọnị ọnị ọ ka yị wa. Ama dị ahịka ẹnịnị aa da ụvọ tụ ịnị ụvọ ịnị ebira odivi huna avọọ nị.