Ụhịrẹyị 19:2 - IWE ỌNỊNỊ

² E yị zoza ka ọza ọ mẹ ịrẹyị dị asị o rò o, eyiha vị anaa da ọza ikoro.

Ụhịrẹyị 19:2 Referans Kwoze

Ụhịrẹyị 21:5

Ọza ana kụ ẹngụ hi ịsa ana aa mẹ vana nyị rị ụvọ ama eneyiha vi ọnị ọ jị za a.

Anihwiripi 1:9

Aduwa ọnị maa mẹẹ wụ nịnị yị: Ohomorihi ọ̀ navọ wee sì ịrẹyị ẹngụụ hu avọọ nịnị pooro. Dị ụ wa rẹẹ nyị ịrẹyọyẹẹ hu avọọ nịnị, dị ụ wa zụ yẹ ịsa ozoza ọnịrị ene è yi zoza nịnị.

Ụhịrẹyị 29:20

Ọnụra o dahi hu ọza anaā ka ịrẹyị di ò vee ro o nị.

Aniroomi 10:2

Mâ dọ ivenu tụ́ ọọ ka ẹnịnị ee sì ka ẹnị ẹ̀ẹ hẹkẹ Ohomorihi ẹtẹẹtẹrẹ. Ama oze ẹnẹ ẹnịnị zị, ọ yị vị oze ịrẹyọyẹ.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ayịsaya 28:16

Batọ o, dị wa wụ́ Ẹnẹyịmavara ana vi ohinọyị keekere mẹ̀ kà. Ọ kà ọnị ộ nyị ịrẹta ọnya ọnị ọnị sị jẹẹ tụ́. Ọ kà a raà zama ịrẹta ọnọọ re, ịrẹta ọnọọ vị ọzẹnya irehi, vị ọ nyayịnẹ si iruvo irehi jẹẹ nị. Ọ rẹ ka ọza tụra ọza ana àa sị ayị tụra a, ụhị ọ yị vaa nyị ọ.

Ụhịrẹyị 28:20

Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị.

Ịrẹyị Ọzwọzịsa 12:9

Ka ọzwọzịsa ọnọnị ộ yẹ ịrẹyị, ịsị ọnị ọ yẹ, ộ kọ ọ yị aza. Ộ tọ̀ọ ụhịrẹyị gụ dị ọ sị ịzẹyịza zama wa re ka ẹ̀ẹ vị ịzẹyịza nị.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

Ụhịrẹyị 25:8

Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 1:16

Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.

Ụhịrẹyị 10:21

Aza ọrụrụ-ọrụrụ aa rị aha ịrẹyị ọza ọyịza nị, ama ụra ọnụra ọọ wụ ọ nị.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

Ijoovu 31:5

Ọ kà ọnị ẹ yị cheeche, ọnị ọ yị vene ọza.

2 Ohinọyị 4:39

Ọnya ịnị ẹnịnị ộ nọ ịnị avị na ká avị. Ọ maa kà avị, dị o re ọchị ịvayịnị ịnị avị nị. Ộ há ẹtụtụ hụụnị anị o mee zee eyi, dị ọ kụ wa nya vẹ nị. Ộ vẹ, dị ọ jị ẹtụtụ ẹnẹnị, dị ọ va wa hi ịnị ụnọkọ nị. Ẹ yị yẹ ịsị ẹ vị.