Ụhịrẹyị 19:18 - IWE ỌNỊNỊ

¹⁸ Pa ezi ẹwụ ịnị ozweyi ẹnịnị ẹnẹ zụ kọsẹ, ẹ yị vavọọ u wee du wa ha nị.

Ụhịrẹyị 19:18 Referans Kwoze

Ụhịrẹyị 13:24

Ọza ene e mē tu ozi anị e yị sị ịrẹyị anị ama ọza ene sị ịrẹyị ozi anị vị ene tu ọ.

Ụhịrẹyị 29:15

Ozi ana a pà vị anaā nyị ịrẹyọyẹ, ama ozi ana a ha ẹtẹ tụ vị anaā mẹ̀ ụhị nyị ọnyị anị.

Ụhịrẹyị 22:15

Ụra vi ene chi ezweyi ayị, ama inori aā sị kụ ụra hụrẹ wa ẹngụ nị.

Ụhịrẹyị 29:17

Pa ozi ewu ẹtẹẹrẹ, dị waa nyị ayọnẹtẹ ọnịrị ayohine.

Ụhịrẹyị 19:19

Navọ ọnọyịha ọ̀ rị ụya anị, wẹ yị zẹ̀ẹ ka ọ̀ rị ụya anị, ụ vene tenyi ọ mẹ.

Iwe Ọhụhị Imosiisi ana aa hị́ Ọyịvatụrọda 21:18

Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị.

Ụhịrẹyị 25:28

Ọza ọ̀ọ ya dị ọ̀yị ma zụ sị ụvọ za ẹngụ anị nị, vị ọza ọnọọ sị mẹ anka ẹkụra ọnị ọza ọ̀ yị jị ọvọ kara, dị ọ tịtẹ chaha avọọ nị.