Ụhịrẹyị 18:16 - IWE ỌNỊNỊ

¹⁶ Ọza anaa mẹ ẹyịza vị ọnị oze tụ yị na ngụ ọvịdị aza ọkọọka.

Ụhịrẹyị 18:16 Referans Kwoze

Ụhịrẹyị 19:6

Ọzọza vị ana ga ọza ana nyị ịsa, ẹyaa ga a agụvị dị e re ịsa dọ hụụnị ụvọ anị.

Oyinyima 43:11

Dị ada ẹnịnị tụ́ wa ohi dị ọ ka, “Ẹhẹẹ, àa vị avọọ yọ, â nyị ịsị a vọrọ ka ẹ mẹ. Ọ kà ẹ̀ Sị ịnị ẹtụtụ ene zoza hu ịnị ẹtẹ ọnọnị za, dị ẹ sị na mẹ ọnọrụ ọnọọ ẹyịza. Dị ọ rẹ ka Ịnị ịsa ẹnẹ ẹ yaa sị, ẹ̀ sị ẹhụ, ọnya ọchị ana sị wụ ozoza irenyi-irenyi ne beri ẹtụtụ ọchị ipisitachiyo ọnịrị arịmọndị naa yọ.

Ụhịrẹyị 17:8

Ochirerenu vị ana sị mẹ̀ ẹ anka ẹsụ avọọ, waa sị yị ọza, ịsị ụ waa ka waa mẹ kẹnẹ ụ waa mẹ̀ ẹ nị.

1 Ịsamụwẹrị 25:27

Di Abigẹrị rẹ ka aarịhịnị ọ̀ dọ ịsa ọnị ọnị sị va yọ aanị dị ọ̀ sị yị aza ana saasa a nị.

Oyinyima 33:10

Di Ijekọvụ ka, “Eyiye de, oo sì ọnị, ọ̀ dọ ịsị ọnị sị va mẹ̀ ẹ ẹyịza aanị. Ọ kà ọnị m mè si eyi anị re aanị, vị ọ sị mẹẹ ka eyi Ohomorihi ọnị re nị. Ọ kà éē re ka o yi pè ọnị zyaazị.

Oyinyima 32:20

Dị ẹ̀ rẹ kà a yọ ka Ijekọvụ ozida anị aa vẹ ịrẹma.” Ijekọvụ o si o ro ka: Ẹyịza ọnị ọnị kụ́ tụ́ naa yọ aanị daba vaa mẹ ka ayị anị ọ̀ nẹtẹ. Ọ kà ịjị ọnịrị ọ òo kuku ne re ẹngụ ọ vaa gu ọnị.

Ụhịrẹyị 21:14

Were-were sị ẹyịza na yị ọza anaa kụ ayị hi wụ agụvị ayị anị ọ nẹtẹ.

1 Ịsamụwẹrị 16:20

Dị Ijeese kune ịsọyịrị tụra ịkẹrịkẹtẹ, dị ọ sị eche tụ́ ini okoko ọnya ana a sị ịtụmpaha mẹ, dị ọ sị ozi ẹvụ ọnya vaka a dị ọ sị tụ́ Idevidi ozi anị ka ọ̀ sị na yị Ịsọọrụ nị.

Ụhịrẹyị 18:17

Ọza anaa vịdị kụ ịrẹka ịnị ikootu vị enee rò o ka ọnị ọ rị ịhị nị, ẹ yị vị ịjị ọnịrẹyị anị òo nyima àa họ̀ use ịrẹyị.

2 Ohinọyị 5:5

Ohinọyị ộ mẹ̀ ịrẹta, dị ọ ka, Ịnaamanị ọ̀ sị ọ ne tu ohinọyị Anisirẹrị nị. Ịzẹyịza dị Ịnaamanị kwẹẹtẹ aa na nị. Ọ maa na, ộ za isiriva akawụ-akawụ oze ẹwụrẹhị, ọnịrị igooru akawụ-akawụ oze ẹẹta, beri awuru irenyi-irenyi oze ẹẹwụ.