Ụhịrẹyị 17:14 - IWE ỌNỊNỊ

¹⁴ Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 17:14 Referans Kwoze

Ụhịrẹyị 25:8

Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?

Ụhịrẹyị 20:3

Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị.

1 Anịtẹsaronika 4:11

Re ka wáa nyị ebira hẹẹ nịnị, dị ọzọza ò sị eyi pe ụkọrọ anị. Ọzọza ọ̀ọ sị ụvọ anịị mẹ̀ ụkọrọ anka ị mẹ̀ vịdị kà a wụ nịnị.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Aniroomi 12:18

Ẹwà sị vụrị di u we re ka waa sị ẹngwọọrọ pe avaba azaa mẹ nịnị!

Ụhịrẹyị 29:22

Ọnọyịkụ vị anaā kụ ịrazị ọnịrị ebira odivi irenyi-irenyi hi ẹtẹ.

Ụhịrẹyị 26:21

Aka vị ana sị akịna hịrẹ ọkụ mẹẹ sị ịra za, avọọ ọnịrẹyị mẹẹ kụ ịrazị hi ẹtẹ nị.

Ụhịrẹyị 17:19

Ọza eneē sì ịrẹyị ebira odivi vị eneē si ka ọnị ọọ̄ zyaazị. Wàa sị avaba ụmẹ wo oto ẹngụkata ụ waa hị́ tu ẹngụ awụ nị.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

2 Ịtọpa 28:6

Ka ohinọyị Ahazi ộ mẹ̀ ịvị, Ẹnẹyịmavara Ohomorihi ohiku nịnị hụrẹ ẹ ụvọ ka Ịpẹka ộ wụ̀ ọkọọka isoja Anijuda ẹnị akawụ-akawụ oze ẹbẹẹta (120,000) ịnị ẹkụhị ọnyara nị.

2 Ịtọpa 13:17

Abija ọnịrị isoja anị vị ana nyayịnẹ pa ịva yị isoja Anisirẹrị ẹtẹẹtẹrẹ. Achẹva Imiriyọnị ọka isoja ẹnịnị vị ẹnị wụ̀ va ha.

2 Ịsamụwẹrị 19:41

Dị avaba Anisirẹrị vene ve tù ohinọyị dị ẹ ka, “Taarụ, sị ẹ vẹ dị ẹyịnyara ayị Anijuda wère vẹ dị ẹ va sị wụ beri aneehi awụ ọnịrị aza awụ na tụ́ na jịnẹ Okuha Ịjọdanị?”

Ụhịrẹyị 19:11

Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.